  Պուտինն ու Ալիևը քննարկել են ԼՂ կարգավորման հարցը 30 հունիսի 2022 - 10:36 AMT PanARMENIAN.Net - ՌԴ նախագահ Վլադիմիր Պուտինը և Ադրբեջանի նախագահ Իլհամ Ալիևը Կասպյան գագաթնաժողովի շրջանակում հանդիպման ժամանակ քննարկել են տարածաշրջանային անվտանգությանը, այդ թվում ԼՂ հակամարտության կարգավորմանն առնչվող հարցեր։ Կասպյան գագաթնաժողովն անցնում է Աշխաբադում։ «Անշուշտ կան տարածաշրջանային անվտանգությանը, առաջին հերթին` ղարաբաղյան կարգավորման հետ կապված հարցեր։ Մենք այդ մասին խոսել ենք և այժմ էլ հնարավորություն կունենաք խոսել այդ թեմայի շուրջ»,-ասել է Պուտինը, հայտնում է ՌԴ նախագահի պաշտոնական կայքը։ Անդրադառնալով քաղաքական շփումներին՝ Պուտինը հիշեցրել է ՌԴ ԱԳ նախարար Սերգեյ Լավրովի` վերջերս Բաքու կատարած այցը։ Նա հավելել է, որ նախատեսվում են ՌԴ կառավարության նախագահի և ՌԴ Պետդումայի նախագահի այցեր Ադրբեջան։ Ալիևն իր հերթին ևս կարևորել է Լավրովի այցը կապերի զարգացման տեսակետից և վստահություն հայտնել, որ երկկողմ հարաբերություններն առաջիկայում ևս հաջողությամբ կզարգանան։ ՌԴ ԱԳ նախարար Սերգեյ Լավրովը Բաքվում Ադրբեջանի նախագահ Իլհամ Ալիևի հետ հանդիպման ժամանակ հայտարարել էր, որ Մոսկվան կոնկրետ առաջարկներ ունի Բաքվին և Երևանին սահմանների հարցում։ «Մենք պատրաստ ենք խորհրդատվական ծառայություններ տրամադրել սահմանզատման և սահմանագծման համար Ադրբեջանում և ՀՀ-ում ստեղծված երկու հանձնաժողովների գծով։ Կան կոնկրետ առաջարկներ»,-ասել էր նա:   Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Վերջին լուրեր ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի  Չվերթը կգործարկվի արդեն հուլիսինԱդրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում ենՎարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |
