 Բոնդարև․ ՀԱՊԿ-ից դուրս գալու կոչերով ակցիաները ՀՀ-ում «ֆինանսավորված են ԱՄՆ-ի կամ ամերիկամետ ուժերի կողմից» 19 սեպտեմբերի 2022 - 12:32 AMT PanARMENIAN.Net - ՌԴ Դաշնության խորհրդի պաշտպանության և անվտանգության կոմիտեի ղեկավար Վիկտոր Բոնդարևը հայտարարել է, որ ՀԱՊԿ-ից դուրս գալու կոչերով ակցիաները ՀՀ-ում «ֆինանսավորված են ԱՄՆ-ի կամ ամերիկամետ ուժերի կողմից»։ «Ակցիաներն ու ցույցերը, որոնք հիմա անցնում են Հայաստանում ՀԱՊԿ-ից դուրս գալու կոչերով, կարծում եմ, ֆինանսավորված են ԱՄՆ-ի կամ ամերիկամետ ուժերի կողմից»,- գրել է նա իր Տելեգրամ ալիքում, հայտնում է ՏԱՍՍ-ը։ Բոնդարևը նշել է, որ հայ-ռուսական հարաբերությունները շարունակում են կայուն մնալ, չնայած դեպի Արևմուտք ՀՀ-ին շեղելու փորձերին։ «Հայաստանին (ինչպես և ԽՍՀՄ նախկին մյուս երկրներին) վաղուց են դրդում Արևմուտքի կողմ թեքվել, սակայն հայ-ռուսական հարաբերությունները դեռևս կայուն են, բարիդրացիական և գործընկերային՝ ինչպես երկկողմ, այնպես էլ բազմակողմ միջազգային դաշինքների և կազմակերպությունների կազմում։ Այնուամենայնիվ ԱՄՆ-ն ու նրա կամակատարներն ամեն գնով ձգտում են սեպ խրել մեր միջև։ Այդ նպատակն ուներ նաև ԱՄՆ Ներկայացուցիչների պալատի խոսնակ Նենսի Փելոսիի այցը Երևան»,-գրել է նա։ Ըստ Բոնդարևի, ՀԱՊԿ-ից ՀՀ դուրս գալուն կողմ կարող են լինել միայն «հիմարներն ու շանտաժիստները»։ «Հիմարները, որոնք հույս ունեն, որ «բարի քեռի Սեմը» ՌԴ-ից լավ կպաշտպանի նրանց տարածքային ամբողջականությունն ու պետական ինքնիշխանությունը։ Իսկ շանտաժիստները հույս ունեն, որ ՀՀ նման որոշումը կդրդի մեզ ավելի ակտիվ գործողությունների այդ երկիրն Ադրբեջանից պաշտպանելու գործում՝ դիվանագիտականից անցնելու ռազմական գործողությունների․․․ՌԴ-ն միշտ պատրաստ է օգնել իր գործընկերներին և դաշնակիցներին, սակայն այն չափով, որով հարկ է համարում և այն միջոցներով, որոնք ընդունելի է համարում կոնկրետ իրավիճակում»,- գրել է նա։ Սեպտեմբերի 18-ին Երևանի Ազատության հրապարակում ՀԱՊԿ-ից դուրս գալու կոչով ակցիա է տեղի ունեցել։ ՀՀ-ն դիմել էր ՀԱՊԿ-ին ՀՀ դեմ Ադրբեջանի ագրեսիայի պատաճառով, սակայն ՀԱՊԿ-ից հայտարարեցին, որ զինուժ ՀՀ ուղարկելու մասին խոսք չի գնում։ Այժմ ՀՀ-ում է գտնվում ՀԱՊԿ դիտորդական առաքելությունը գեներալ-գնդապետ Անատոլի Սիդորովի գլխավորությամբ։ Սեպտեմբերի 13-ին՝ ժամը 00:05-ից Ադրբեջանի ԶՈւ ստորաբաժանումները Գորիսի, Կապանի, Ջերմուկի, Վարդենիսի, Սոթքի ուղղությամբ խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ, կիրառվել են նաև ԱԹՍ-ներ, հրետանի, ականանետեր՝ թիրախավորելով թե ռազմական, և թե քաղաքացիական ենթակառուցվածքները։ Սեպտեմբերի 14-ի երեկոյից հրադադար է հաստատվել, սակայն իրավիճակը շարունակում է մնալ ծայրահեղ լարված։ Սեպտեմբերի 16-ի դրությամբ հայկական կողմը 135 զոհ ունի, բայց թիվը, ըստ ՀՀ վարչապետի, վերջնական չէ։   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին  Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգերՀայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներումՕվերչուկը՝ ԵԱՏՄ նիստին Փաշինյանի մասնակցության մասին․ Սպասում ենք ԵԱՏՄ հոբելյանական գագաթնաժողովը կայանալու է մայիսի 8–ինԲերման է ենթարկվել անհնազանդության ակցիաների 29 մասնակից, որից 17–ը՝ Երևանում Վեդիում բերման է ենթարկվել Լևոն Քոչարյանը |
