  Առաջարկվում է կադաստրային փաստաթղթերը պահել միայն էլեկտրոնային տարբերակով 2 սեպտեմբերի 2025 - 14:38 AMT PanARMENIAN.Net - «Գույքի նկատմամբ իրավունքների պետական գրանցման մասին» օրենքում փոփոխություններ և լրացումներ նախատեսող նոր օրինագծով առաջարկվում է, որ 2026 թվականի հունվարի 1-ից հետո Կադաստրի կոմիտե ներկայացված ու կազմված բոլոր փաստաթղթերը պահպանվեն բացառապես էլեկտրոնային ձևաչափով։ Այդ մասին ԱԺ տնտեսական հարցերի մշտական հանձնաժողովի սեպտեմբերի 2-ին կայացած նիստում հայտարարել է ՀՀ կադաստրի կոմիտեի ղեկավար Սուրեն Թովմասյանը՝ ներկայացնելով համապատասխան օրենսդրական նախագիծը։ Բանախոսը շեշտել է, որ օրինագծի ընդունման դեպքում զգալիորեն կաճի էլեկտրոնային փաստաթղթաշրջանառության ծավալը, ինչը թույլ կտա նվազեցնել թղթային արխիվների անհրաժեշտությունը։ Օրինագծով առաջարկվում է փոփոխություններ կատարել «Գույքի նկատմամբ իրավունքների պետական գրանցման մասին» օրենքի 24-րդ հոդվածի 1-ին և 3-րդ մասերում։ Ըստ այդմ՝ անշարժ գույքի պետական ռեգիստր դիմելու հիմնական միջոցը պետք է դառնա Կադաստրի պետական ռեգիստրի պաշտոնական կայքի էլեկտրոնային համակարգը, իսկ սպասարկման գրասենյակներում դիմելը դիտարկվի որպես բացառություն՝ օրենքով հստակ սահմանված դեպքերում։ Փաստաթղթերի ներկայացման գործընթացում ևս նախատեսվում է փոփոխություն՝ օրենքով սահմանվելու է կարգ, ըստ որի Կադաստրի կոմիտե ներկայացված թղթային փաստաթղթերը պետք է վերափոխվեն թվային ձևաչափի՝ դառնալով կադաստրային գործի մաս։ Օրենսդրական նախագիծը հանձնաժողովում ստացել է դրական եզրակացություն։   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
