  Շևցով․ ՀՀ-ն ստիպված կլինի լրացուցիչ 1 մլրդ դոլար հայթայթել գազի համար 5 հունիսի 2026 - 13:34 AMT PanARMENIAN.Net - Ռուսաստանի Անվտանգության խորհրդի քարտուղարի տեղակալ Ալեքսեյ Շևցովը հայտարարել է, որ Հայաստանը ստիպված կլինի լրացուցիչ 1 մլրդ դոլար հայթայթել գազի համար: Նրա խոսքով՝ ներկայում Հայաստանը հազար խորանարդ մետր գազը գնում է 177.5 դոլարով, հայտնում է Vesti.ru-ն: «Բորսաներում գինը, ինչպես արդեն քննարկել ենք մեր առաջին հարցազրույցում, մոտ 600 դոլար է և կարող է հասնել 800 դոլարի։ Հաշվի առնելով, որ Հայաստանը Ռուսաստանից ստանում է 2․3 միլիարդ խորանարդ մետր գազ, պարզ հաշվարկով կարելի է հասկանալ, որ Հայաստանը պետք է լրացուցիչ գտնի մոտ 1 միլիարդ դոլար, իսկ հնարավոր է՝ նույնիսկ ավելի շատ», - ասել է Շևցովը։ Նրա կարծիքով՝ եվրոպական ինտեգրման խորացման դեպքում Հայաստանը կարող է բախվել ժողովրդագրական և տնտեսական մարտահրավերների, կարող է կրկնվել Ուկրաինայում տեղի ունեցած զարգացումների սցենարը։ Նա ներկայացրել է իր կանխատեսումը, թե ինչ կարող է տեղի ունենալ Հայաստանում, եթե Եվրամիության հետ առանց վիզայի ռեժիմ ներդրվի։ «Երբ բացվի առանց վիզայի ռեժիմը, եթե հիշենք, օրինակ, թե ինչ եղավ Լիտվայում, Լատվիայում և Բուլղարիայում, ապա ԵՄ-ին անդամակցելուց հետո այդ երկրներում բնակչության թիվը նվազեց մոտ 15 տոկոսով։ Մոլդովայում այդ ցուցանիշը հասավ 25 տոկոսի։ Հեռացել է ամենաաշխատունակ, երիտասարդ և հեռանկարային բնակչությունը։ Մնացել են տարեցները, որոնք, նախ, լրացուցիչ բեռ են ստեղծում կենսաթոշակային համակարգի և սոցիալական ենթակառուցվածքների համար։ Բացի այդ, աշխատունակ բնակչության արտահոսքը տնտեսության համար որևէ դրական հետևանք չի ունենում։ Ընդհանուր առմամբ, դա կարող է հանգեցնել ՀՆԱ-ի մոտ 23-25 տոկոս ուղղակի կորստի։ Մեզ մոտ և Վլադիմիր Պուտինը, և վերջերս նաև Ալեքսանդր Լուկաշենկոն ասել են, որ Հայաստանը, ըստ էության, կրկնում է Ուկրաինայի 2013-2014 թվականների փորձը։ Այստեղ պետք է լրջորեն մտածել, որպեսզի չկրկնվի այն, ինչ տեղի ունեցավ Ուկրաինայում», - ասել է Շևցովը։ Ավելի վաղ Ռուսաստանի էներգետիկայի նախարար Սերգեյ Ցիվիլևը խորհուրդ էր տվել Հայաստանին փորձել ռուսական գազը փոխարինել եվրոպականով և տեսնել, թե ինչ արդյունք դա կունենա։   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
