Ֆրանսիայի Օ դը Սեն գավառը ամեն տարի 500 հազար եվրո կհատկացնի Հայաստանի շրջանների զարգացման համար21 մայիսի 2010 - 14:09 AMT PanARMENIAN.Net - Ֆրանսիայի Օ դը Սեն նահանգն ամեն տարի 500 հազար եվրո կհատկացնի Հայաստանի շրջանների զարգացման համար: Այդ մասին Երևանում կայացած մամլո ասուլիսում հաղորդել է Ֆրանսիայի տնտեսական զարգացման նախարար, Օ դը Սեն նահանգի գլխավոր խորհրդի նախագահ Պատրիկ Դևեջյանը: «Որպես կանոն, զարգացման մակարդակը մայրաքաղաքում մի քանի անգամ գերազանցում է մարզերի զարգացման մակարդակը, ուստի որոշում է կայացվել ամեն տարի 500 հազար եվրո հատկացնել , որպեսզի գյուղական վայրերի բնակչությունը չլքի իր տներն ու չմեկնի արտագնա աշխատանքի»,-ասել է նա: Ֆրանսիայի Օ դը Սեն նահանգը 2008 թվականին «Հայաստան» համահայկական հիմնադրամի հետ համատեղ սկսել է Տավուշի մարզի վեց գյուղական համայնքների գյուղատնտեսական զարգացման ծրագրեր: Ինչպես հայտնել է Պատրիկ Դևեջյանը, իր գլխավորած պատվիրակությունը ժամանել է Հայաստան ծանոթանալու համար արդեն ֆինանսավորված ծրագրերի իրագործման արդյունքներին: Մասնավորապես, մայիսի 22-ին Տավուշի մարզում տեղի կունենա վերանորոգված 15 կմ երկարությամբ ջրանցքի պաշտոնական բացումը: Անդրադառնալով հետագա ծրագրերին` Դևեջյանն ասել է, որ ամեն ինչ կախված է հատկացված դրամական միջոցների արդյունավետ բաշխումից: «Այնուամենայնիվ, մարզերի սոցիալ-տնտեսական զարգացման մակարդակի բարձրացման համար հարկ կլինի ավելացնել գյուղմթերքի արտադրության ծավալները` ընդլայնելով նրա տեսականին ու որակը: Այդ նպատակով կստեղծվեն կոոպերատիվներ, ինչը թույլ կտա արտադրողներին համախմբել ջանքերն ու ավելի մեծ ծավալի արտադրանք տալ»,-ասել է նա: Ընդ որում Պատրիկ Դևեջյանը հավելեց, որ այդ համատեքստում կարևորովում է նաև տեղական արտադրողների ասոցիացիայի ստեղծումը, որը կկարողանա ավելի լավ ներկայացնել գյուղացիների շահերը: Իր հերթին «Հայաստան» համահայկական հիմնադրամի գործադիր տնօրեն Արա Վարդանյանը նշել է, որ Օ դը Սեն նահանգի հետ համագործակցության փաստը թույլ տվեց կյանքի կոչել բազում նախագծեր, և այժմ մենք ուրախ ենք, որ կկարողանանք օգտվել այն մասնագետների ծառայություններից, որոնք առաջարկում են կոոպերատիվներ ստեղծել գյուղատնտեսության ոլորտում»,-հավելել է նա: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Պապիկյանը Բուլղարիայում պայմանավորվածություններ է ձեռք բերել ռազմարդյունաբերական ընկերությունների հետ Նա այցելել է «ՀԵՄՈՒՍ-2024» միջազգային ցուցահանդես Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում |