Հայաստանի ԿԲ-ում որոշել են, որ «Լիդեր» համակարգը սպառնում է երկրի ֆինանսական համակարգի կայունությանը

PanARMENIAN.Net - Ուժը կորցրած են ճանաչվել «Լիդեռ» վճարահաշվարկային համակարգին մասնակցության վերաբերյալ տրված թույլտվությունները Հայաստանի Հանրապետության կենտրոնական բանկի կողմից պարզվել է, որ «Լիդեռ» ոչ բանկ վարկային կազմակերպություն ՓԲԸ` 2008 թ. սկսած պարբերաբար դադարեցրել է Հայաստանի Հանրապետության տարածքում գործող մասնակից բանկերի տարածքային որոշ ստորաբաժանումների սպասարկումը:

Նման համակարգում հայաստանյան մասնակիցների մասնակցությունը Հայաստանի Հանրապետության կենտրոնական բանկի խորհրդի կողմից 2006 թ. հուլիսի 4-ի թիվ 342 Ն որոշմամբ հաստատված «Արտաuահմանյան վճարահաշվարկային համակարգում մաuնակցության հետևանքով Հայաստանի Հանրապետության ֆինանuական համակարգի կայունությունը և (կամ) իրացվելիությունը և (կամ) վճարունակությունը վտանգելու մաuին» ուղեցույցի համաձայն վտանգում է ֆինանսական համակարգի կայունությունը և (կամ) իրացվելիությունը և (կամ) վճարունակությունը:

Հաշվի առնելով վերոնշվածը, հիմք ընդունելով «Վճարահաշվարկային համակարգերի և վճարահաշվարկային կազմակերպությունների մասին» Հայաստանի Հանրապետության օրենքի 5-րդ հոդվածի 5-րդ մասը և Հայաստանի Հանրապետության կենտրոնական բանկի խորհրդի կողմից 2006 թվականի հուլիսի 4-ի թիվ 342 Ն որոշմամբ հաստատված «Արտաuահմանյան վճարահաշվարկային համակարգում մաuնակցության հետևանքով Հայաստանի Հանրապետության ֆինանuական համակարգի կայունությունը և (կամ) իրացվելիությունը և (կամ) վճարունակությունը վտանգելու մաuին» ուղեցույցի 4-րդ մասի 4.1. կետի զ) ենթակետը, Հայաստանի Հանրապետության կենտրոնական բանկի խորհուրդը 09.07.2011թ. որոշում է ընդունել ուժը կորցրած ճանաչել «Լիդեռ» արտասահմանյան վճարահաշվարկային համակարգին մասնակցության վերաբերյալ ՀՀ կենտրոնական բանկի կողմից տրված թույլտվությունները, հաղորդում է ՀՀ ԿԲ մամլո ծառայությունը: