Հունվարի 26-ը Քարինտակի հերոսամարտի 20-րդ տարեդարձն է 26 հունվարի 2012 - 11:33 AMT PanARMENIAN.Net - Այսօր հունվարի 26-ին լրանում է արցախցիների Քարինտակի համար հերոսվմարտի 20-րդ տարելիցը: Քարինտակի առասպելական մարտը ապագա հաղթանակների՝ Շուշիի ազատագրման ու ղարաբաղյան պատերազմում հաղթանակների առաջին ծիծեռնակն էր: Քարինտակը Շուշիի շրջանի ամենախոշոր գյուղն է: Այն գտնվում է Շուշիից 2 կմ հեռավորության վրա: Հունվարի լույս 26-ի գիշերը ադրբեջանական կազմավորումները, ունենալով 1,5 հազար զինվորներ և սպաներ, զրահատեխնիկա, առանց նախնական գնդակոծության թալանչիների ամբոխի ուղեկցությամբ խոշոր հարձակում ձեռնարկեցին Քարինտակի վրա: Հարձակումը կազմակերպվել էր Ադրբեջանի պաշտպանության նախարար Մամեդովի անմիջական մասնակցությամբ: Որոշվել էր կայծակնային հարված հասցնել միանգամից երկու կողմից և մի քանի ժամում գրավել գյուղը: Վաղ առավոտյան օմոնականների գրեթե երկու գումարտակ շրջապատեցին գյուղը: Քարինտակցիներն ունեին ընդամենը 40 ավտոմատ, մեկ հրանոթ, մեկ ականանետ, ինքնաշեն նռնակներ, որսորդական հրացաններ: Ամբողջ գյուղը, ներառյալ նաև կանանց, կանգնեց գյուղի պաշտպանությանը: Անկախ բազում զոհերից ու վիրավորներից, քարինտակցիներն անկոտրում էին և ադրբեջանցիները նահանջեցին մարտի դաշտում թողնելով 200 դիակ: Այդպիսով, չնայած մանրակրկիտ նախապատրաստմանը, ազերիների ռազմական գործողությունը ձախողվեց: Նույն օրն երեկոյան ադրբեջանական հեռուստատեսությունը հաղորդեց, որ սպանվել է 136 զինվոր ու սպա, իսկ որոշ ԶԼՄ-ներ Քարինտակի կիրճն անվանեցին «Արյունալի կիրճ», իսկ հունվարի 26-ը՝ «Արյունալի օր»: Հաջորդ մի քանի օրերին հակառակորդը գնդակծում էր գյուղը, սակայն ապարդյուն, քարինտակցիները սեփական կյանքի գնով պաշտպանեցին իրենց հողում ապրելու իրավունքը: Այդ մասին Ղարաբաղյան ազատագրական պատերազմի հանրագիտարանում այդ հերոսամարտի մասին գրված է. «…հատուկ նշանակություն ունեցավ Քարինտակի ինքնապաշտպանությունը 1992թ. հունվարի 25-26-ին, երբ հայ կամավորների սակավաթիվ ջոկատը կարողացավ ետ մղել հակառակորդի մի քանի անգամ գերազանցող ուժերը և ոչնչացնել հակառակորդի 80 հոգուց բաղկացած ջոկատը» Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |