   Անկարան դադարել է միջնորդ լինել Մերձավոր ԱրևելքումԹուրքիան, հայտնվելով սունիթների դաշինքում, կարող է բավարարվել միայն մահմեդական աղանդներից մեկի առաջնորդի դերով Պաշտոնական Անկարայի հայտարարություններն ավելի ու ավելի են հիշեցնում անհասկանալի խառնաշփոթ, որը բխում է ինչպես Մերձավոր Արևելքում, այնպես էլ աշխարհում սեփական տեղի ոչ ադեկվատ ընկալումից: Ժամանակին դառնալով ՆԱՏՕ-ի անդամ ԽՍՀՄ-ԱՄՆ դիմակայության պատճառով, Թուրքիայի ներկա ղեկավարությունը համարում է, որ կարող է իր պայմանները թելադրել դաշինքին: Այդպես եղել է ներկա գլխավոր քարտուղար Անդերս Ֆոգ Ռասմուսենի նշանակման ժամանակ, այդպես է նաև հիմա:  2 մայիսի 2012PanARMENIAN.Net - Բացի նրանից, որ Անկարան վետո է դրել Իսրայելի մասնակցության վրա Չիկագոյում ՆԱՏՕ-ի գագաթնաժողովին, նա դեռ հայտարարում է, որ կարգելափակի Եվրամիության ներկայացուցիչների մասնակցությունը Չիկագոյում ՆԱՏՕ-ի գագաթնաժողովին, եթե Իսլամական համագործակցության կազմակերպության (ԻՀԿ) ներկայացուցիչներին չթույլատրվի մասնակցել գագաթնաժողովին: Տվյալ պահին սպասվում է ՆԱՏՕ-ի գագաթնաժողովում Եվրահանձնաժողովի նախագահ Ժոզե Մանուել Բարրոզոյի և Եվրոպական խորհրդի նախագահ Հերման Վան Ռոմպեյի մասնակցությունը: Միաժամանակ եթե ԵՄ անդամ-երկրները պնդում են գագաթնաժողովում Եվրամիության ներկայացուցիչների մասնակցության անհրաժեշտության վրա, հաշվի առնելով Աֆղանստանում խաղաղապահ առաքելությունը, ապա Թուրքիան հայտարարում է, որ գագաթնաժողովում պետք է ներկա լինեն միայն ՆԱՏՕ-ի երկրներ ներկայացուցիչներ: «Եթե գագաթնաժողովին մասնակցեն ՆԱՏՕ-ի ոչ անդամներ, ապա առաջին հերթին դա պետք է լինի ԻՀԿ-ը»,- հայտարարել են թուրքական դիվանագիտական աղբյուրները, հաղորդում է Today’s Zaman-ը: Այդ նույն աղբյուրները պնդում են, որ ԻՀԿ ավանդն Աֆղանստանում խաղաղապահ առաքելության մեջ գերազանցում է ԵՄ ավանդը: Թուրք դիվանագետների պնդումն ավելի քան վիճելի է, քանզի ԻՀԿ երկրները շատ «ջանքեր» են գործադրել Թալիբան շարժումը զինելու համար: Պետք է նշել, որ ԻՀԿ կառույցն ամենից քիչ է ծառայում իսլամական պետությունների միավորմանը: Հիշեցնենք, որ ԻՀԿ-ն ի սկզբանե ստեղծվել է պաղեստինցիներին աջակցելու համար: Բայց հետո, ինչպես միշտ, փոխվել են նպատակները և խնդիրները, իսկ այն ժամանակներից ի վեր, ինչ ԻՀԿ-ում առաջատար է դարձել Թուրքիան և որոշ առումով Ադրբեջանը, իրավիճակն արմատապես փոխվել է: Ներկա պահին ԻՀԿ-ն միավորում է 57 երկրներ շուրջ 1,5 մլրդ բնակչությամբ: ԻՀԿ ստեղծման նպատակներն են՝ համագործակցություն մահմեդական երկրների միջև, միջազգային ասպարեզում գործունեության մեջ համատեղ մասնակցություն: Սակայն վերադառնանք Չիկագոյում ՆԱՏՕ-ի գագաթնաժողովին: Առայժմ պարզ չէ, թե ինչ կպայմանավորվեն դաշինքի անդամ-երկրները կամ տեղի կտան Թուրքային, ինչն արդեն եղել է, թե կմերժեն: Վերջին ժամանակները թուրքական մամուլում սկսել են հայտնվել հոդվածներ, որոնք շանտաժի են ենթարկում ՆԱՏՕ-ի ղեկավարությանը. «Եթե չլսեք մեզ, կփոշմանեք»: Դրան ի պատասխան մի շարք արևմտյան դիվանագետներ հայտարարել են, որ Թուրքային պետք է հեռացնել ՆԱՏՕ-ից... ՆԱՏՕ-ի շանտաժից բացի Թուրքիայի ԱԳՆ ղեկավար Ահմեդ Դավութօղլուն հայտարարել է, որ Թուրքիային է պատկանում նոր Մերձավոր Արևելքում գլխավոր դերը: Գլխավոր ընդդիմադիր ժողովրդահանրապետական կուսակցության փոխնախագահ Ֆարուկ Լոգօղլուն այդ խոսքերը գնահատել է որպես «վտանգավոր ֆանտազիա»: Պաշտոնաթող դիվանագետ Լոգօղլուն կարծում է, որ Թուրքիան իր գործողություններով չի վայելում արաբների հարգանքը: Չնայած նույն հավատին՝ թուրքերը և արաբները սունիթներ են, նրանց միջև հակասություններն ավելի քիչ չեն, քան սունիթների և շիիթների: Հասկանալի է, որ Պարսից ծոցի նավթային միապետություններն աջակցում են Թուրքիային, ավելի ճիշտ ի դեմս նրա ԱՄՆ-ին Սիրիայի և Իրանի դեմ: Սակայն նման դրությունը երկար շարունակվել չի կարող: Ավելին, առկա է Թուրքիայում «արաբական գարնան» կրկնվելու հավանականություն: Այդ հավանականությունը բխում է Սիրիայի նկատմամբ ԱՄՆ-ի և ԵՄ հետ Քաթարի ու Սաուդյան Արաբիայի պահվածքից: Այնպես է ստացվել, որ սիրիական ընկույզը չափազանց պինդ էր Արևմուտքի համար, և հիմա ԱՄՆ-ը փորձում է համոզել Թուրքիային կատարել «ողջ կեղտոտ աշխատանքը»: Հանուն դրա կարելի է զոհաբերել ՆԱՏՕ-ի գագաթնաժողովի մի քանի մասնակիցների: Թուրքիան Օսմանյան կայսրության օրոք խաղացել է իսլամական աշխարհի առաջնորդի դերը: Բայց հիմա, երբ մահմեդական աշխարհն ակտիվ մասնակցություն է ունենում սունիթների և շիիթների միջև աճող դիմակայությանը, ապա Թուրքիան, հայտնվելով սունիթների դաշինքում, կարող է բավարարվել միայն մահմեդական աղանդներից մեկում առաջնորդի դերով: The Economist ամսագրի հոդվածում նշվում է, որ Թուրքիան կարողացել է միջնորդ դառնալ Լիբանանում իրար դեմ պայքարող խմբավորումների միջև, Իրաքի սունիթների և շիիթների միջև, մինչև 2009-ը Սիրիայի և Իսրայելի միջև: Սակայն, Անկարայում Նիդերլանդների նախկին դեսպան Նիկոլյա Վան Դամի խոսքով, երկխոսություն վարելու հենց այդ կարողությունը Թուրքիային արդյունավետ խաղացող է դարձրել Մերձավոր Արևելքում:Սակայն նա ընտրել է մեկ կողմ և դադարել է միջնորդ լինել, նշել է դիվանագետը: Կարինե Տեր-Սահակյան  Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը    Ուշադրության կենտրոնում Բաժնի այլ նյութերըԱլիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային  Ամենազգայուն՝ գազի գործոնովԲայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալըՀին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին |  Այլ հոդվածներ Վերջին լուրեր Ռուբեն Վարդանյանի ուղերձը «Ավրորային»․ Ավելի, քան երբևէ, համոզված եմ` արժեքներն ու սկզբունքներն ավելի կարևոր են, քան նույնիսկ կյանքը «Արցախ տեղափոխվելու որոշումս կայացրեցի «Ավրորա»-ի հերոսների շնորհիվ»,–նշել է նաև Բաքվի բանտից ուղարկված ուղերձումԿիրանց-Ոսկեպար ճանապարհը կրկին փակ է․ Մտահոգությունները պահպանվում են Գյուղացիներին ամենաշատը մտահոգում է կամրջի հատվածըMutuari, Lolik և SilkSwap. Նոր DeFi նախագծերի ներկայացումը ftNFT Phygital Space-ում Հանդիպման ընթացքում հայտարարվել է նաև Ցերեբրում Վիրտուալ Երևանի նոր նախագծի մեկնարկըՔԿ․ Երևանում բողոքի ակցիայի 2 մասնակից ձերբակալվել է սառը զենք կրելու կասկածանքով Նրանց մոտ հայտնաբերվել է սառը զենքի նմանվող առարկա՝ մեկական ծալովի դանակ |
