Եվրոպան ու աշխարհը վերափոխած կրակոցըԱռաջին համաշխարհային պատերազմին մասնակցել է 34 պետություն, որոնք բաժանված էին երկու կոալիցիայի՝ Եռյակ միությունը (Գերմանիա, Ավստրո-Հունգարիա, Թուրքիա, Բուլղարիա) և Անտանտի երկրները (Ռուսաստան, Ֆրանսիա, Մեծ Բրիտանիա, Սերբիա, ավելի ուշ Ճապոնիա, Իտալիա, Ռումինիա, ԱՄՆ) «Բոլորը փնտրում են ու չեն գտնում այն պատճառը, թե ինչու սկսվեց պատերազմը: Որոնումներն ապարդյուն են, պատճառը միևնույն է չեն գտնի: Պատերազմը սկսվեց ոչ թե ինչ-որ մի պատճառով, այլ միանգամից բոլոր պատճառներով»,- ասել է ԱՄՆ նախագահ Թոմաս Վուդրո Վիլսոնը: 28 հունիսի 2014 PanARMENIAN.Net - «Սպանեցին ուրեմն մեր Ֆերդինանդին,- ասաց աղախինը պան Շվեյկին, որը մի քանի տարի առաջ, երբ բժշկական հանձնաժողովը նրան ապուշ էր համարել, թողել էր զինվորական ծառայությունը և այժմ զբաղվում էր շների անճոռնի խառնածիններ վաճառելով, որոնց համար ազնվածնական ցեղագրություններ էր հորինում: Բացի այդ նա տառապում էր հոդացավով և ներկա պահին ծնկներին օպոդելդոկ էր քսում: — Ո՞ր ֆերդինանդին, պանի Մյուլլեր,— հարցրեց Շվեյկը, չդադարելով ծնկները շփելուց։— Ես երկու Ֆերդինանդ եմ ճանաչում։ Մեկը ծառայում էր դեղագործ Պրուշիի մոտ և մի անգամ այնտեղ սխալմամբ մի շիշ մազ աճեցնող հեղուկ էր խմել։ Մի Ֆերդինանդ Կոկոշկա էլ կա, որ շան կղկղանք է հավաքում։ Երկուսն էլ իսկի ափսոսալու բան չեն։ — Չէ՛, պարոն, գահաժառանգ Ֆերդինանդին, Կոնոպիշչիում ապրող այն չաղ, աստվածավախ Ֆերդինանդին։ — Հիսո՜ւս Քրիստոս,— բացականչեց Շվեյկլը։— Տես, է՜։ Իսկ այդ բանը պան էրցհերցոգին որտե՞ղ է պատահել։ — Նրան խփել են Սարաևոյում։ Ատրճանակով։ Այնտեղ իր էրցհերցոգուհու հետ ավտոմեքենայով անցնելիս է եղել։ (Յարոսլավ Հաշեկ «Քաջարի զինվոր Շվեյկի արկածները»): 1914-ի հունիսի 28-ին գահաժառանգ Ֆրանց Ֆերդինանդը ժամանեց Սարաևո գեներալ Օսկար Պոտիորեկի հրավերով, զորավարժություններին հետևելու: Գահաժառանգը չափավոր հայացքների տեր ավստրիացի քաղաքական գործիչ էր, բոսնիացիների ինքնավարության կողմնակից, և արդեն միայն դրանով չափազանց նյարդայնացնում էր «Երիտասարդ Բոսնիայի» ծայրահեղականներին, որի անդամները որոշեցին սպանել Ֆերդինանդին: Սպանությունը հանձնարարվեց վեց դավադիրներից բաղկացած խմբին, առնվազն նրանցից 3-ը, այդ թվում` Պրինցիպը, հիվանդ էին թոքախտով, որն այն ժամանակ մահացու ու անբուժելի հիվանդություն էր: Հետաքրքիր է, որ Ֆրանց Ֆերդինանդը նույնպես հիվանդ էր թոքախտով: Կիրակի օրն առավոտյան ժամը 10:00-ին մոտ ամուսինները գնացքով ժամանեցին Սարաևո: Ժամը 10:10-ին վեց մեքենայից կազմված շարասյունը (Ֆրանց Ֆերդինանդը տիկնոջ հետ երկրորդ մեքենայում էր, գեներալի հետ), ամբոխի ողջույնների ներքո անցավ ոստիկանության կենտրոնական բաժանմունքի մոտով: Այնտեղ էին սպասում դավադրության մասնակիցները: Ֆրանց Ֆերդինանդը գնաց ելույթ ունենալու քաղաքապետարանում: Ելույթից հետո նրա շքախմբի անդամներից մեկը՝ բարոն Մորսեն, առաջարկեց Պոտիորեկին ցրել ամբոխը, որպեսզի գահաժառանգի ճանապարհը դեպի հոսպիտալ, որտեղ նա մտադիր էր այցելել վիրավոր կոմս Մերիցիին, և Սարաևոյի թանգարան, անվտանգ լինի: Ի պատասխան Պոտիորեկն ասաց. «Կարծում եք, որ Սարաևոյում մարդասպանները վխտո՞ւմ են»: Ֆրանց Ֆերդինանդը որոշեց հիվանդանոցում այցելել մահափորձից տուժածներին: Սոֆին պնդեց, որ ինքն ուղեկցելու է գահաժառանգին: Որոշեցին ուղևորվել Ապելի կողային ափով: Պոտիորեկը մոռացավ հայտնել երթուղու փոփոխության մասին Ֆրանցի վարորդին՝ Ուրբանին: Վարորդը թեքվեց Ֆրանց Իոսիֆի փողոց: Նրան բացատրեցին, որ սխալ է գնում: Վարորդը սկսկեց դանդաղ շրջադարձ կատարել և այդ պահին մեքենան նկատեց Գավրիլո Պրինցիպը, որը հարևան խանութում բուտերբրոդ էր գնում: Նա մոտ վազեց մեքենային ու կրակեց Սոֆիի որովայնին, իսկ հետո Ֆրանց Ֆերդինանդի պարանոցին: Ֆերդինանդին և նրա կնոջը տեղափոխեցին նահանգապետի նստավայրը, որտեղ կրակոցներից մոտ մեկ ժամ հետո նրանք մահացան: Ուղիղ մեկ ամիս անց Ավստրո-Հունգարիան պատերազմ հայտարարեց Սերբիային, հուլիսի 31-ին Ռուսական կայսրությունում համընդհանուր զորահավաք սկսվեց, Գերմանիան զորքեր կուտակեց Ֆրանսիայի սահմանի մոտ: Առաջին համաշխարհային պատերազմին մասնակցել է 34 պետություն, որոնք բաժանված էին երկու կոալիցիայի՝ Եռյակ միությունը (Գերմանիա, Ավստրո-Հունգարիա, Թուրքիա, Բուլղարիա) և Անտանտի երկրները (Ռուսաստան, Ֆրանսիա, Մեծ Բրիտանիա, Սերբիա, ավելի ուշ Ճապոնիա, Իտալիաի, Ռումինիա, ԱՄՆ): Պատերազմի հետևանքով 4 կայսրություն փլուզվեց՝ Ռուսականը, Ավստրո-Հունգարականը, Օսմանյանն ու Գերմանականը: Մասնակից երկրները մոտ 10 մլն մարդ կորցրին, մոտ 12 մլն խաղաղ բնակիչ սպանվեց, մոտ 55 միլիոնը՝ վիրավորվեց: Առաջին համաշխարհային պատերազմը հայ ժողովրդի համար աղետաբեր եղավ՝ Հայոց ցեղասպանությունը մոտ 2 մլն մարդու կյանք խլեց: Սարաևոյում նշում են Ավստրո-Հունգարիայի թագաժառանգ Ֆրանց Ֆերդինանդի սպանության 100-ամյակը, որը դարձավ Առաջին համաշխարհային պատերազմի առիթը։ Գահաժառանգին սպանած Գավրիլո Պրինցիպը շատ սերբերի համար շարունակում է ազգային հերոս լինել: Նրա քաղաքում կանգնած է Պրինցիպի հուշարձանը: Հանգամանքներն այնպես դասավորվեցին, որ 1919-ի հունիսի 28-ին՝ 95 տարի առաջ, ստորագրվեց Վերսալի խաղաղ պայմանագիրը, որով Առաջին համաշխարհայիննավարտվեց։ «Բոլորը փնտրում են ու չեն գտնում այն պատճառը, թե ինչու պատերազմը սկսվեց: Որոնումներն ապարդյուն են, պատճառը միևնույն է չեն գտնի: Պատերազմը սկսվեց ոչ թե ինչ-որ մի պատճառով, այլ միանգամից բոլոր պատճառներով»,- ասել է ԱՄՆ նախագահ Թոմաս Վուդրո Վիլսոնը: Նշենք, որ հենց Առաջին աշխարհամարտն ԱՄՆ-ում «չոր օրենքի» պատճառ դարձավ և դրա հետևանքով հզոր սինդիկատի ստեղծման համար ոչ միայն ոգելից խմիչքների մաքսանենգության, այլև բոլոր մյուս ոլորտներում՝ ազարտային խաղերի, ռեկետի, արհմիությունների: Կարինե Տեր-Սահակյան / PanARMENIAN.Net Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը Բաժնի այլ նյութերը Ալիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային Ամենազգայուն՝ գազի գործոնով Բայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալը Հին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին |