Հայաստանի վարչապետ. Առաջին հերթին ճգնաժամը պետք է ազդի հարուստների վրա 4 մարտի 2009 - 22:36 AMT PanARMENIAN.Net - Հայաստանի կառավարության կողմից մշակվել են երկրի տնտեսության եւ, մասնավորապես, քաղաքացիների վրա համաշխարհային տնտեսական ճգնաժամի բացասական ազդեցության հաղթահարման մի շարք ծրագրեր: Այդ մասին, ելույթ ունենալով հայկական հեռուստաալիքների եթերում, հայտնել է Հայաստանի վարչապետ Տիգրան Սարգսյանը: Նրա խոսքով, հենց այդ նպատակով է երկրի կառավարությունը աշխատում կայուն վարկերի ներգրավման ուղությամբ: Այսօր արդեն ՄՏՖ պատրաստ է Հայաստանին $540 մլն-ի չափով վարկ տրամադրել, որոնցից $240 մլն միանգամից են հատկացվելու, եւս $525 մլն կհատկացնի Համաշխարհային Բանկը, նկատել է Սարգսյանը` ավելացնելով, որ Ռուսաստանի վարչապետը նույնպես հայտնել է հայկական կողմին $500 մլն-ի չափով վարկ տրամադրելու մասին: «Ես արդեն չեմ ասում Ասիական բանկի եւ Վերակառուցման ու զարգացման Եվրոպական բանկի հետ մեր բանակցությունների մասին»,- նկատել է նա: Ճգնաժամի հաղթահարման գործում ոչ պակաս դեր է խաղում նաեւ երկրի ծախսման քաղաքականությունը, որի համաձայն գերապատվությունը տրվելու է երկրի կենսագործունեությունն ապահովող սոցիալական սեկտորին, տնտեսության եւ ինֆրակառույցների խթանմանը: Նկատելով, որ ճգնաժամային իրադրությունները հիմնականում բացասապես են անդրադառնում սոցիալապես անապահով շերտերի վրա, Տիգրան Սարգսյանն ավելացրել է, որ կառավարությունը կանի ամեն հնարավոր բան, որպեսզի հիմնական բեռն ընկնի խոշոր ձեռներեցության ուսերին: «Առաջին հերթին դա պետք է ազդի հարուստների վրա»,- ընդգծել է Սարգսյանը: -ԱՊ- Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների |