Հայաստանն ու Բելգիան քննարկում են տնտեսական համագործակցության նոր հնարավորությունները 2 հոկտեմբերի 2009 - 22:59 AMT PanARMENIAN.Net - Հայաստանի Հանրապետության վարչապետ Տիգրան Սարգսյանն այսօր ընդունել է Բելգիայի Թագավորության սենատի նախագահ Արման դը Դեկերին, հաղորդում է կառավարության մամլո ծառայությունը: Ողջունելով հյուրին, ՀՀ կառավարության ղեկավարը գոհունակություն է հայտնել հայ-բելգիական հարաբերությունների բարձր մակարդակի կապակցությամբ եւ նշել է, որ նմանօրինակ հանդիպումները լավ առիթ են խոսելու երկկողմ հարաբերությունների եւ Հայաստան- ԵՄ համագործակցության մասին:Վարչապետն անդրադարձել է երկու երկրների միջեւ առեւտրաշրջանառության ադամանդագործության ոլորտում համագործակցության առավել զարգացման հնարավորություններին: Հանդիպման ընթացքում կողմերը քննարկել են տնտեսական փոխգործակցության նոր հնարավորություններն ու զարգացման հեռանկարները, մասնավորապես, բարձր տեխնոլոգիաների, զբոսաշրջության ու հաղորդակցության եւ մշակութային փոխադարձ ճանաչողության բնագավառներում: Առանձին շեշտվել է Հայաստանի եւ ԵՄ-ի միջեւ ազատ առեւտրի համաձայնագրի ստորագրման ու Եվրոպական հարեւանության քաղաքականության կարեւորությունը: Զրուցակիցներն անդրադարձել են նաեւ տարածաշրջանային հիմնախնդիրներին: Հյուրի խնդրանքով ՀՀ վարչապետն անդրադարձել է Հայաստանի վրա համաշխարհային ֆինանսատնտեսական ճգնաժամի ազդեցությանն ու դրա հաղթահարման ուղղությամբ իրականացվող քայլերին: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |