Վրացական Փոթի նավահանգիստը ԱՄԷ-ից 500 մլն դոլարի ներդրումներ կստանա

11 մայիսի 2010 - 10:57 AMT

PanARMENIAN.Net - Ռաս-Էլ-Հայմա էմիրությունը պատրաստվում է 500 մնլ դոլար ներդնել վրացական սևծովյան Փոթի նավահանգստում, հաղորդում է The Wall Street Journal-ը: Միջոցները հատկացվելու են առաջիկա 4-5 տարիների ընթացքում և անցկացվելու է նավահանգստի վերակառուցում:

Փոթին հաղորդակցության առանցքային կետ է Եվրոպայի և Կովկասի միջև: Ներկա պահին Վրաստանի կառավարությունը Rakia –ի հետ համատեղ ստեղծում է ազատ տնտեսական արդյունաբերական գոտի: Այդ նախագծի շրջանակներում անցկացվելու է նավահանգստի վերակառուցումը:

Ներդրումային հիմնադրամն արդեն Փոթիի լիիրավ սեփականատերն է: Վերակառուցումը պետք է ավարտվի մայիսի վերջին, որից հետո կսկսվի հարևանությամբ ևս մեկ նավահանգստի կառուցում 300 մլն դոլար արժողությամբ:

Այդ ազատ տնտեսական գոտում աշխատելու հայտ են ներկայացրել 15 ընկերություններ: Վրացական Rakia ստորաբաժանման գլխավոր շուկայագետ Իոսիֆ Նիբլաձեի տվյալներով, սպասվում է, որ դրանց թիվը մինչև 2010-ի վերջ կհասնի 65-ի: Նա նաև նշեց, որ այդ ընկերությունների շարքում լինելու են կահույք, քիմիական և գյուղատնտեսական ապրանքներ արտադրողներ Թուրքիայից, Ադրբեջանից և Արաբական Միացյալ Էմիրություններից:

Վրաստանում արդեն գործում է մեկ ազատ տնտեսական գոտի: Քութայիսում արտոնյալ պայմաններով աշխատում են կենցաղային ապրանքների եգիպտական արտադրողները: Այդ գոտում արտադրվում են գազի սալիկներ և ջրատաքացուցիչներ Ադրբեջան և Հայաստան ներմուծելու համար:

Վրաստանի կառավարությունը նախատեսում է բացել ևս երկու արդյունաբերական գոտիներ: Դրանցից մեկն ընկած է Գոնիոյում` Թուրքիայի սահմանից ոչ հեռու, երկրորդը` երկրի արևելքում:

«Ներդրողները և կառավարությունը կարող են շատ շահավետ համագործակցել շնորհիվ ազատ տնտեսական գոտիների: Ընկերությունները ստանում են արտոնյալ հարկային պայմաններ, ազատ առևտրի հնարավորություն և լավ լոգիստիկա, իսկ մեզ մոտ ավելանում է զբաղվածությունը և դոլարի հոսքերը» ,- հայտարարել է Վրաստանի ֆինանսների նախարար Կախա Բանդուրաշվիլին:

Հղումներ թեմայով.

The Wall Street Journal – Georgia Port Gets Emirate Investment