Վազգեն Սաֆարյան. ՀՆԱ-ի աճը մինչև տարեվերջ կարող է կազմել 4,6 տոկոս

25 հոկտեմբերի 2010 - 14:02 AMT

PanARMENIAN.Net - ՀՆԱ-ի աճը մինչև տարեվերջ կարող է կազմել 4,6 տոկոս, ինչը բավականին լավ ցուցանիշ է անցյալ տարվա 14,4 տոկոս անկումից հետո, գտնում է Հայրենական արտադրողների միության նախագահ, Հանրային խորհրդի ֆինանսավարկային ու բյուջետային հանձնաժողովի նախագահ Վազգեն Սաֆարյանը:

Բացի այդ, ըստ նրա, հաջորդ տարի նախատեսվում է ապահովել արդյունաբերության 4,6 տոկոս աճ, ընթացիկ տարվա նախատեսված 6,6 տոկոսի դիմաց: «Եթե մենք ճիշտ ներդրումներ կատարենք արդյունաբերության մեջ և սկսենք զարգացնել ներքին կոոպերացիան՝ հիմնված ներքին հումքի վրա, ապա առավել բարձր արդյունքներ կստանանք: Սակայն, մենք դա չենք անում, ինչը մեր տնտեսական քաղաքականության թերությունն է: Ազատական տնտեսությամբ ցանկացած երկիր ճգնաժամից հետո վերակառուցում է իր տնտեսական քաղաքականությունը, մասնավորապես, ԱՄՆ-ն 1933թ. օրենք ընդունեց արդյունաբերության վերականգնման մասին: Մենք ևս նման մի բան պետք է անենք»,-գտնում է նա:

Սաֆարյանը հիշեցրել է, որ 1988թ. արդյունաբերության բաժինը Հայաստանի ՀՆԱ-ում կազմում էր 66,7 տոկոս, իսկ այսօրվա դրությամբ ընդամենը 21 տոկոս: «Հայաստանի տնտեսությունը կզարգանա միայն արդյունաբերության զարգացման հետ, ինչը թույլ կտա լուծել բոլոր սոցիալական խնդիրները»,-հավելել է նա:

Ըստ օպերատիվ վիճակագրական տվյալների, 2010թ. հունվար-սեպտեմբերին Հայաստանի ՀՆԱ-ի ծավալն աճել է 2,8 տոկոսով՝ 2009թ, նույն ժամանակահատվածի համեմատ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով