Աժ կներկայացվի 72 մլն դոլար արժողությամբ գյուղատնտեսական երկու ծրագիր

21 մարտի 2011 - 16:04 AMT

PanARMENIAN.Net - Առաջիկայում Հայաստանի Ազգային ժողովին երկու կարևորագույն ծրագիր կներկայացվի, որոնք վերաբերում են գյուղատնտեսությանը: Այդ մասին Երևանում կայացած մամլո ասուլիսում հայտարարել է ՀՀ ԱԺ գյուղատնտեսության ու բնապահպանության հարցերի մշտական հանձնաժողովի նախագահ Խաչիկ Հարությունյանը: Ըստ նրա, առաջինը՝ «Գյուղի հնարավորությունների զարգացումն է» շուրջ 52 մլն դոլար արժողությամբ: Այն ուղղված է այգեգործության, ենթակառուցվածքների, արտադրություն-իրացում շղթայի զարգացմանը: Երկրորդ ծրագիրը՝ «Համայնքների գյուղատնտեսական հնարավորությունների կառավարումն ու նրանց մրցունակությունը» 20 մլն դոլար արժողությամբ ուղղված կլինի 6 մարզերի 55 գյուղական համայնքներում անասնաբուծության զարգացմանը:

Հարությունյանը նշել է, որ գյուղատնտեսությունը մեր տնտեսության ամենախնդրահարույց ոլորտներից է, որտեղ վերջին տարիներին անկում է գրանցվում: Նա նշել է, որ այժմ իշխանությունները սկսել են լուրջ ուշադրություն դարձնել ոլորտին, որի մասին են վկայում նաև Սերժ Սարգսյանի հայտարարությունները և հանձնարարականները: Այժմ ցուցաբերվում է այն պետական աջակցությունը, որի անհրաժեշտության մասին խոսվում էր տարիներ շարունակ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով