Հայոց ցեղասպանություն. Թուրքիայի իշխանությունները միշտ չեն կարողանա «փակել» ամերիկացի օրենսդիրների բերանը 4 ապրիլի 2012 - 13:38 AMT PanARMENIAN.Net - Թուրքիայի ԱԳ նախարար Ահմեդ Դավութօղլուն ու վարչապետ Ռեջեփ Թայիփ Էրդողանը, ԱՄՆ ամենաթողության շնորհիվ, Հայոց ցեղասպանության ժխտմանն աջակցելը արդեն որպես այդպիսին է ընդունում: Այս մասին PanARMENIAN.Net ի թղթակցի հետ զրույցում հայտարարել է Ամերիկայի Հայ Դատի հանձնախմբի գործադիր տնօրեն Արամ Համբարյանը` մեկնաբանելով Ստամբուլում արված ԱՄՆ պետքարտուղար Հիլարի Քլիթոնի հայտարարությունը այն մասին, որ Հայոց ցեղասպանության օրինագիծը «ԱՄՆ արտաքին քաղաքականության այս տարվա օրակարգում չի լինելու»: Ինչպես ընդգծել է Արամ Համբարյանը, «արտահանելով» խոսքի ազատությունը սահմանափակող թուրքական ՔՕ 301 հոդվածը, թուրքական իշխանությունները կարծում են, որ կկարողանան շարունակել ամերկացի օրենսդիրների վախեցնելու և կաշառելու քաղաքականությունը: Բարեբախտաբար ոչ Էրդողանը, ոչ Դավութօղլուն, ոչ էլ Քլինթոնը ԱՄՆ Կոնգրեսում քվեարկության իրավունք չունեն: «Իսկ ամերիկացիների կողմից ընտրված ներկայացուցիչները իրավունք ունեն անտեսելու արտաքին ճնշումը, պաշտպանել ամերիկյան արժեքներ և արտահայտել ամերիկացիների կարծիքները` Հայոց ցեղասպանության վերաբերյալ բանաձևի ընդունմամ մջոցով»,-ասել է Արամ Համարյանը: Ստամբուլում «Սիրիայի բարեկմաներ» խմբի նիստին ներկա գտնվելու ժամանակ Հիլարի Քլինթոնը հանդիպել է Էրդողանին և Դավութօղուին, ովքեր հայտարարել են, որ «անհրաժեշտ է դադարեցնել ամեն տարի ապրիլի 24-ի նախօրեին ԱՄՆ-ում հայկական օրինագծեր ներկայացնելը: Համաձայն թուրքական ԶԼՄ-ի, Հիլարի Քլինթոնն ընդգծել է, որ «գիտի, որ այս հարցը ցավոտ է Թուրքիայի համար և հայտարարել է, որ այս տարի այդ հարցն օրակարգում չի լինելու»: Մարտի 20-ին սենատորներ Ռոբերտ Մենենդեզն ու Մարկ Քիրքը ԱՄՆ Սենատի քննարկմանն են առաջադրելՀայոց ցեղասպանության մասին 399 բանաձևը: «Ժամանակն է, որպեսզի ԱՄՆ-ը միանա 19 երկրներին, այդ թվում` Բելգիային, Կանադային, Ֆրանսիային, Իտալիային և ԵՄ-ին, որոնք Օսմանյան Թուրքիայում 1,5 մլն հայերի զանգվածային սպանությունները Ցեղասպանություն են ճանաչել: Հայոց ցեղասպանությունը պատմական փաստ է, որը Ցեղասպանության մասին կոնվենցիայի ընդունման պատճառներից մեկն է դարձել: Միայն ճանաչելով անցյալի հանցագործությունները` մենք կկարողանանք կանխել դրանք ապագայում»,- հայտնել է սենատոր Մենենդեզը: Նոր բանաձևում լրացում կա Ցեղասպանության հանցագործության կանխման և պատժի մասին կոնվենցիայի վերաբերյալ 1951թ. Միջազգային դատարանին ԱՄՆ ուղերձից: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը Երևանում է ԱՄՆ ԿՀՎ ղեկավարի տեղակալը․ Նրան ընդունել է Փաշինյանը Քննարկվել են ինչպես երկկողմ, այնպես էլ միջազգային օրակարգի հարցեր ԱՆ–ն չի գրանցել Արշակ Կարապետյանի կուսակցությունը՝ օրենքի մի շարք խախտումների հիմքով Նախարարությունը պարզաբանում է տարածել Նարեկ Սամսոնյանն ու Վազգեն Սաղաթելյանն ազատ են արձակվել Նրանք 3 ամիս չեն կարողանալու վարել իրենց հաղորդումը |