Մաքսիմ Շևչենկոն գտնում է, որ Լավրովն Իրանում քննարկելու է նաև ադրբեջանական սադրանքները ՀՀ հետ սահմանին11 հունիսի 2012 - 18:34 AMT PanARMENIAN.Net - ՌԴ ԱԳ նախարար Սերգեյ Լավրովի այցն Իրան կարող է պատասխան լինել ԱՄՆ պետքարտուղար Հիլարի Քլինթոնի այցին Հարավային Կովկաս: Նման կարծիք է հայտնել ռուս քաղաքագետ Մաքսիմ Շևչենկոն: Ըստ նրա, Լավրովի Իրան այցելության հիմնական նպատակը Սիրիայի վերաբերյալ դիրքորոշումների համաձայնեցումն է: «Կարծում եմ, Սերգեյ Լավրովը պաշտոնապես կիրազեկի Իրանի ղեկավարությանը Պուտինի Պեկին կատարած այցի արդյունքների մասին, որի ժամանակ, վստահաբար, քննարկվել են նաև սիրիական ու իրանական հարցերը»,-ասել է Շևչենկոն, հայտնում է SalamNews-ը: Շևչենկոն նաև նշել է, որ կարևոր է նաև Արցախի ու Ադրբեջանի ԶՈւ շփման գծում և Հայաստանի ու Ադրբեջանի սահմանին տեղի ունեցած իրադրության վերջին սրումը: «Անշուշտ, իրավիճակն Անդրկովկասում, մասնավորապես, իրավիճակի սրումը հայ-ադրբեջանական ռազմաճակատում նույնպես կարող է քննարկվող թեմաներից մեկը լինել: Այցի երրորդ գործոնն այն է, որ դա պատասխան կլինի Քլինթոնի այցին Հարավային Կովկաս, որը շատերն ընկալեցին որպես դիրքորոշումների ստուգում Միխայիլ Սահակաշվիլիի և Անդրկովկասի մյուս ղեկավարների հետ ԱՄՆ-ում նախընտրական արշավի մեկնարկից և այն իրադարձություններից առաջ, որոնք հնարավոր են տարածաշրջանում Սիրիայում պատերազմի խորացման դեպքում»,-ասել է քաղաքագետը: Շևչենկոն նաև պարզաբանել է, որ եթե պատերազմը Սիրիայում անդառնալի դառնա, ապա այդ պատերազմի մեջ կարող է ներքաշվել նաև Իրանը, ընդ որում բավականին լուրջ: Իսկ դա նշանակում է, որ կներքաշվեն նաև Իրանի այն հարևանները, որոնք Թեհրանի հետ ունեն բարդ կամ ոչ այնքան բարդ հարաբերություններ: «Դա կարող է անդրադառնալ ողջ տարածաշրջանի վրա: Սիրիայի կոնֆլիկտը տեղական չի լինի: Վստահ եմ, որ պատերազմի սրացումը Սիրիայում կանդրադառնա և Ադրբեջանի, և Հայաստանի, և տարածաշրջանի մյուս երկրների վրա: Ուստի, կարծում եմ, որ Ռուսաստանը, որը շահագրգռված չէ, որ իր սահմանների մոտ զինված հակամարտություններ լինեն, նաև այս հարցը կքննարկի Իրանում՝ հարաբերությունների հեռանկարներն ու կարծիքների փոխանակում»,-ասել է նա: Ըստ քաղաքագետի, այցի կարևոր գործոն է նաև Իրանի միջուկային ծրագիրը: «Գտնում եմ, որ Իրանը պատրաստ է լուրջ քննարկումների, դիվանագիտական սակարկություն է գնում»,-ասել է Շևչենկոն: Ուշագրավ Մշակվում է Հավաքական անվտանգության խորհրդի որոշման նախգիծը Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները | Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչը Բագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա» Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին Խնձորեսկում Երևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |