Սևանա լճում երրորդ անգամ կիրականացվի ստորջրյա ավազանի գիտահետազոտական արշավը 9 հուլիսի 2012 - 21:41 AMT PanARMENIAN.Net - Հուլիսի 10-ից 24-ը կիրականացվի Սևանա լճի ստորջրյա ավազանի գիտահետազոտական երրորդ արշավը: Կշարունակվեն 2010 և 2011թթ-ի գիտարշավների աշխատանքները, որոնց արդյունքները բավականին հուսադրող էին հայ գիտնականների համար: Ֆրանս-հայկական այս առաքելությունն իրականացվում է ծրագրի երեք կրողներ Կլոդ Թուլումջյանի (նախաձեռնող), Գաբրիել Մելիքյանի և Ստեփան Կոջայանի, ինչպես նաև ՀՀ Գիտությունների ազգային ակադեմիային կից գիտահետազոտական ինստիտուտների և պետական մարմինների սերտ համագործակցությամբ: Այսուհետ այս գիտարշավները կիրականացվեն վերջերս հիմնադրված Ստորջրյա հետազոտությունների և սուզումների հայկական կենտրոնի (ՍՀՍՀԿ) պատասխանատվության ներքո` նախագահ Կլոդ Թուլումջյանի և փոխնախագահ Արա Ավագյանի գլխավորությամբ: Ստորջրյա այս ուսումնասիրությունների նպատակն է ամրապնդել անցյալ տարիներին ձեռք բերված նախնական արդյունքները, ինչպես նաև շարունակել գիտնականների համար նմուշների (ջուր, գազ, նստվածքներ, տիղմ), տեսաֆիլմերի և լուսանկարների ձեռքբերման աշխատանքները, ֆաունայի հաշվառումները (ձկներ, խեցգետիններ) և ֆլորայի նկարագրությունը, ստանալ այլ տեղագրական տվյալներ, որոնք կարող են ծառայել ստորջրյա հնագիտական պեղումների կամ երկրաբանական ուսումնասիրություններին, իրականացնել հոսանքների չափումներ և բացահայտել ստորջրյա աղբյուրներ: Ծրագիրը առնչվում է հետևյալ բնագավառներին` հիդրոերկրաբանություն, ձկնաբուծություն, երկրաբանական գիտություններ, բնապահպանություն, հնագիտություն և ազգագրություն, քարանձավագիտություն և պատմություն: Այս տարի հնագիտական աշխատանքներ կտարվեն Սևանա լճի հատակում` 15մ խորության վրա հայտնաբերված վթարված նավի բացահայտման ուղղությամբ: Ձեռբերված բոլոր տարրերը կտրամադրվեն հայ գիտնականներին` հետագա հետազոտությունների նպատակով: Դրանց ուսումնասիրության արդյունքներն անմիջականորեն կապված են քաղցրահամ ջրի այս ջրավազանի էկոլոգիական հավասարակշռության հետ, որն ունի մեծ ռազմավարական նշանակություն ազգային, հատկապես տարածաշրջային կարևորություն: Տարված աշխատանքներից հետո տեղի բնակիչները ավելի տեղեկացված կլինեն Սևանա լճի մասին, ինչպես նաև նյութեր կտրամադրվեն թանգարաններին, մասնավորապես Սևան Ազգային պարկի թանգարանին, որն աջակցում է մեր գիտարշավների իրականացմանը, հայտնում է Ստորջրյա հետազոտությունների և սուզումների հայկական կենտրոնի մամլո ծառայությունը: Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարները Առողջապահության նախարարին պաշտոնից ազատելու լուրերը հերքվել են Ավելի վաղ խուզարկություններ են իրականացվել առողջապահության նախարարությունում և բուժհաստատություններից մեկում |