Ուկրաինայի հայերը բողոքում են Սաֆարովին ներելու դեմ 4 սեպտեմբերի 2012 - 16:52 AMT PanARMENIAN.Net - Սեպտեմբերի 4-ին Կիևում Հունգարիայի դեսպանատան մոտ տեղի է ունեցել բողոքի ակցիա հայ սպա Գուրգեն Մարգարյանին կացնահարած ադրբեջանցի Ռամիլ Սաֆարովի արտահանձնման ու նրան ներում շնորհելու վերաբերյալ: Ինչպես հայտնում է Analitika.at.ua-ն, ակցիային մասնակցել են հասարակական կազմակերպությունների ներկայացուցիչներ, իրավապահներ, հայկական համայնքի ներկայացուցիչներ: Ակցիայի ավարտին, Հունգարիայի դեսպանատանը հանձնվեց հանրահավաքի մասնակիցների ուղերձը, որտեղ մանրամասն ներկայացվեց Ուկրաինայի հայերի բողոքը հայ սպայի մարդասպանին ազատ արձակելու դեմ: Բողոքի ակցիաներ կանցնեն Ուկրաինայի բոլոր քաղաքներում, որտեղ կան Հունգարիայի ներկայացուցչություններ: Այսօր տեղի կունենա նաև Ուկրաինայում ՀՀ դեսպան Անդրանիկ Մանուկյանի հանդիպումը Ուկրաինայի ԱԳ փոխնախարար Ռուսլան Դեմչենկոյի հետ: Գուրգեն Մարգարյան 2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |