Բաքուն փորձում է արդարանալ ՝ պարզվում է, նրանք Սաֆարովին «հերոս» չեն հռչակել 8 սեպտեմբերի 2012 - 15:06 AMT PanARMENIAN.Net - Ի պատասխան միջազգային հանրության կոշտ քննադատության, կապված Ադրբեջանի նախագահ Իլհամ Ալիևի կողմից Ռամիլ Սաֆարովին ներում շնորհելու հետ, պաշտոնական Բաքուն որոշել է ինչ-որ կերպ արդարանալ: Մասնավորապես, Ալիևի աշխատակազմի սոցիալ-քաղաքական դեպարտամենտի ղեկավար Ալի Հասանովը հայտարարել է, որ Ադրբեջանն, իբր, «պաշտոնապես Սաֆարովին հերոս չի հռչակել և չի փառաբանել նրա հանցագործությունը»: Պարզվում է, Բաքուն ուղղակի «ազատել է իր զինվորին, որը 8,5 տարի բանտում է նստել ու ապացուցել է, որ սոցիալական և միջազգային վտանգ չի ներկայացնում: Պարզվում է նաև, ըստ նույն Ալի Հասանովի, որ ադրբեջանական հանրության շրջանում հետաքրքրությունը Սաֆարովի գործի հանդեպ այնքան ուժգին էր, որ նա ինքն իրեն «հերոս հռչակվեց»: Եվ ոչ մի ծնծություն այդ առիթով Բաքուն չի էլ զգացել: Եթե դատելու լինենք ըստ Հասանովի խոսքերի, ապա Ադրբեջանում ընդունված է հանցագործների առջև կարմիր գորգ փռել, նրանց բնակարաններ նվիրել, լեյտենանտին, անտեսելով կապիտանի աստիճանը, մայորի կոչում շնորհել, վճարել 8 տարվա աշխատավարձը: Այս ամենն ընդունված կարգ է: Հավանաբար, պետք է մոռանալ նաև Ադրբեջանում բոլոր մակարդակներով հնչող հայտարարություններն այն մասին, որ Սաֆարովն «օրինակ է ադրբեջանցիների ապագա սերունդների համար, արիության ու քաջության մարմնացում, որը թշնամու արյունն է թափել»: Հետո ինչ, որ խաղաղ ժամանակ, հետո ինչ, որ քնած մարդու, հետո ինչ, որ կացնով: Բաքվի ցանկությունն ինչ-որ կերպ վերականգնել խիստ տուժած հեղինակությունը, կարելի է հասկանալ: Չէ որ համաշխարհային հանրության արձագանքը բավականին կոշտ էր՝ ՄԱԿ-ից ու ՆԱՏՕ-ից սկսած մինչև Եվրոպայի խորհուրդ: Թեկուզ որևէ կշիռ ունեցող երկիր չմնաց, էլ չասած տերությունների մասին, որ չդատապարտեր Բաքվի կողմից բոլոր նորմերի ու օրենքների այդ անասելի խախտումը՝ հայտարարելով, որ դա լրջորեն կխոչընդոտի ղարաբաղյան կարգավորմանը: Բաքվում արդեն հավանաբար ուրախ էլ չեն, որ այս արկածախնդրությունը ձեռնարկեցին՝ չէ որ ողջ աշխարհը մի ակնթարթում հասկացավ այն, ինչի մասին հայերը պնդում են արդեն տասնյակ տարիներ՝ Արցախը ոչ մի պայմաններում և ոչ մի հանգամանքում չի կարող լինել Ադրբեջանի կազմում, որը «սաֆարովներ է դաստիարակում»: Վերջում մի փոքր տեղեկանք: 2004թ. փետրվարի 19-ին լեյտենանտ Գուրգեն Մարգարյանը Բուդապեշտում գազանաբար կացնահարվեց ադրբեջանցի սպա, ավագ լեյտենանտ Ռամիլ Սաֆարովի կողմից: Երկուսն էլ Բուդապեշտում մասնակցում էին ՆԱՏՕ-ի «Գործընկերություն հանուն խաղաղության» ծրագրի շրջանակներում կազմակերպված անգլերեն լեզվի դասընթացներին: 2006թ. ապրիլի 13-ին մարդասպանը Բուդապեշտում դատապարտվեց ցմահ բանտարկության՝ 30 տարվա ընթացքում առանց ներման իրավունքի: Հայաստանի նախագահ Ռոբերտ Քոչարյանի հրամանագրով Գուրգեն Մարգարյանը 2005թ. փետրվարի 19-ին հետմահու պարգևատրվեց «Արիության համար» մեդալով՝ ծառայության ընթացքում դրսևորած արիության ու ինքնազոհողության համար: Օգոստոսի 31-ին Սաֆարովը Հունգարիայի կողմից արտահանձնվեց Ադրբեջանին, որտեղ անհապաղ ներում ստացավ՝ նրան շնորհվեց մայորի կոչում, նոր բնակարան, վճարվեց 8 տարվա աշխատավարձը: Ի պաստասխան Հայաստանը կասեցրեց դիվանագիտական հարաբերությունները Հունգարիայի հետ: Մինչդեռ հունգարական կողմը պնդում է, որ Բաքուն հավաստիացումներ է տվել, որ Սաֆարովը կշարունակի կրել պատիժն Ադրբեջանում, ոչ պակաս քան 25 տարի: Ըստ որոշ տվյալների Սաֆարովն արտահանձնվել է Ադրբեջանի կողմից 2-3 մլրդ եվրոյի պարտատոմսեր գնելու Բաքվի խոստման դիմաց: Պաշտոնական Բուդապեշտը դա հերքում է: Մարինա Անանիկյան / PanARMENIAN News Գուրգեն Մարգարյան 2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |