  European Voice. Բաքուն միջազգային հանրության աչքում հիստերիկ է ու կասկածելի, Բուդապեշտը՝ ագահ ու ստախոս 13 սեպտեմբերի 2012 - 17:42 AMT PanARMENIAN.Net - Հունգարիան ու Ադրբեջանը պետք է մի շարք լուրջ հարցերի պատասխանեն, կապված ադրբեջանցի մարդասպան Ռամիլ Սաֆարովի ներման հետ: Սակայն ամենատհաճ հետևանքները կզգան Բրյուսելն ու Վաշինգտոնը, գրում է European Voice-ը՝ հակիրճ պատմելով ղարաբաղյան պատերազմի մասին և նշելով, որ հայերը լրջորեն տուժել են պատերազմի ժամանակ ադրբեջանցիների դաժանությունից: «Նույնիսկ եթե երկու երկրներն այժմ էլ գտնվեին պատերազմական իրավիճակում, Սաֆարովի հանցանքը՝ անզեն, քնած մարդու սառնարյուն սպանությունը, միևնույն է ոճրագործություն կհամարվեր: Հունգարիան այդպես էլ չկարողացավ բացատրել Սաֆարովի արտահանձնման պատճառները: Եվ այդ ֆոնի վրա այն հայտարարությունները, թե Բուդապեշտը Սաֆարովին արտահանձնեց Բաքվին վերջինիս խոստացած 3 մլրդ եվրոյի դիմաց, արժանի են ուշադրության… Իսկ Սաֆարովին հերոսացնելու պատճառով Ադրբեջանը համաշխարհային հանրության կողմից ընկլավում է որպես հիստերիկ ու կասկածելի: Եվ դա ոչ մի կերպ չես անվանի ադրբեջանական դիվանագիտության հաղթանակ: Իսկ Հունգարիան լավագույն դեպքում չափից դուրս դյուրահավատ է երևում, իսկ վատագույն դեպքում՝ ագահ ու ստախոս: Սակայն երկու երկրները գտնում են, որ կարող են խուսափել պատասխանատվությունից: Սաֆարովի դեպքը ծանր հարված էր ԵՄ ու ՆԱՏՕ-ի բարոյական հեղինակությանը 2004թ. ի վեր: Մինչ այդ անդամակցությունն Արևմտյան ակումբին հպարտության առարկա էր նրա անդամների համար և հիմնական գերակայություն էր չանդամակցողների համար: Նրանք ձգտում էին (անկեղծորեն կամ ոչ այնքան) պահպանել օրենքները, կարևորում էին միջազգային հանրության կարծիքը: Նախկինում Ադրբեջանը ականջալուր էր ԵՄ և ՆԱՏՕ-ի ներկայացուցիչների կարծիքին, այժմ՝ ոչ, քանի որ կորցրել է այդ կազմակերպություններին անդամակցելու բոլոր իրական շանսերը: Նավթադոլարներով լեցուն Ադրբեջանն այժմ շահագործում է իր աշխարհաքաղաքական դիրքը, լրտեսելու համար Իրանին, իսկ գուցե նաև ռմբակոծելու: Հունգարիան չունի նման ֆինանսական հնարավորություններ, նրա բյուջեում անցքեր են գոյացել: Սակայն, նա մարտահրավեր է նետում Բրյուսելին ու Վաշինգտոնին: Հունգարիայի վարչապետ Վիկտոր Օրբանը որոշումներ է կայացնում (ոչ միշտ հաջող) ու սպասում, թե երբ աշխարհը կընտելանա: Եվրոպական երկրների վարքի պայմանները անխախտ էին թվում 1990-ականների կեսից: Այժմ դրանք արագ տեմպերով «մաշվում են»,-գրում է European Voise-ը:    Գուրգեն Մարգարյան 2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»:  Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
