Բաքվում վիրավորվել են Ժիրինովսկուց և նոտա հղել Ռուսաստանի ԱԳՆ-ին18 սեպտեմբերի 2012 - 19:14 AMT PanARMENIAN.Net - Ադրբեջանում ՌԴ դեսպան Վլադիմիր Դորոխինին կանչել են Ադրբեջանի ԱԳՆ. վերջինիս ընդունել է ԱԳ փոխնախարար Հալաֆ Հալաֆովը, հաղորդում են ադրբեջանական ԶԼՄ-ները: Հանդիպմանը Հալաֆովը դեսպանին է հայտնել «խիստ բողոքը»` կապված «Ռուսաստանի Պետդումայի և Պետական խորհրդի անդամ Վլադիմիր Ժիրինովսկու անպատասխանատու կոչի հետ, որը նպաստում է ազգային թշնամանքի բորբոքմանը և ադրբեջանցիների նկատմամբ հանցագործությունների և ահաբեկչության տարածմանը»: Ժիրինովսկին մասնակցել է Ռամիլ Սաֆարովի ներման դեմ ուղղված սեպտեմբերի 14-ին Մոսկվայի քաղաքապետարանի կողմից արտոնված և «Ռուս-հայկական միության» կողմից կազմակերպված բողոքի ակցիային: Փոխնախարարն ընդգծել է նաև, որ այդ «անպատասխանատու կոչը ստվեր է գցել երկու երկրների միջև առկա համագործակցության և բարեկամական հարաբերությունների վրա»: Ընդգծվել է, որ «նման հայտարարությունները վնաս են հասցնում ղարբաղյան հակամարտության խաղաղ կարգավորման գործընթացում Ռուսաստանի միջնորդական առաքելությանը` որպես ԵԱՀԿ ՄԽ համանախագահ-երկրի»: Հալաֆ Հալաֆովը հույս է հայտնել, որ Ժիրինովսկու «անպատասխանատու հայտարարությանը» Ռուսաստանի կառավարական կառույցների կողմից համապատասխան գնահատական կտրվի: Մոսկվայում Ռամիլ Սաֆարովի արտահանձնման և ներում շնորհելու դեմ ուղղված հանրահավաքի ժամանակ Ռուսաստանի Լիբերալ-դեմոկրատական կուսակցության առաջնորդ Վլադիմիր Ժիրինովսկին ենթադրել է, որ Սաֆարովի կերպարի շուրջ կոնֆլիկտը կարող է հանգեցնել հայերի և ադրբեջանցիների շրջանում արյունալի վրիժառության գործողությունների:«Իսկապես կարող են լինել վրեժխնդիր քայլեր, երբ նրան ինչ-որ մեկը սպանի: Եվ դա կլինի արյունալի վրեժ, և կրկին մարդիկ կսպանվեն: Նրան կարող էին տեղափոխել, նա պետք է գոնե մի հինգ տարի նստեր, հետո կարող էին անաղմուկ բաց թողնել, հիվանդության պատճառով, որևէ մեկին չհայտարարելով: Իսկ այս պարագայում համարյա թե ծաղիկներով են դիմավորել: Իսկ դա կապված է մեծ գումարների հետ գործ ունենալու հետ: Փող շատ են տեսել, հիմա էլ տոնում են: Վրեժ լուծել հայերից: Նա բանտում չի նստելու: Դա ակնհայտ է»,-ասել է նա: Ժիրինովսկու կարծիքով, հայկական հատուկ ծառայությունները կարող են որս սկսել ոչ միայն Ռամիլ Սաֆարովի, այլ նաև ադրբեջանցի ազդեցիկ գործարարների և քաղաքական գործիչների վրա: «Թող աշխատեն հայկական հատուկ ծառայությունները, որպեսզի հաջորդ անգամ մարդասպանին ազատ արձակելիս պատմությունը չկրնկվի: Այդ ամենը հատուկ ծառայությունների գործն է: Հանրահավաքներում մենք այս հարցը չենք լուծի: Թող նրանք աշխատեն: Եվ հնարավոր կլինի կանխել նմանատիպ գործողությունները: Ասել, որ 1 հայի սպանելով, դրա փոխարեն ձեզ մոտից կանհետանան 5 հարուստներ: Եվ ինչ եք անելու: Այդ ժամանակ կմտածեն, որ մենք սրան կփրկենք, իսկ մեզանից մեր երեխաներին չեն խլի: Նրանք էլ բանակում շատ ադրբեջանցիներ ունեն: Այնտեղ նույնպես կարող է մեկն անցնել, նռնակ նետել և մի ամբողջ դասակ կզոհվի: Այնտեղ ցանկության դեպքում միջոց կգտնեն»,-ասել է Ժիրինովսկին: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Ոստիկանություն․ Օպերային հարակից փողոցները փակ են լինելու Օպերայում անցկացվելու է EBRD–ի միջազգային ֆորումը Էրդողանը հրատապ հանդիպում է անցկացրել՝ նրան հայտնել են ռազմական հեղաշրջման փորձի հավանականության մասին Հանդիպման ընթացքում քննարկվել են այդ ուղղությամբ կանխարգելիչ քայլեր իրականացնելու վերաբերյալ հարցեր Գիշերը բողոքի ակցիայի 5 մասնակից է ձերբակալվել Նրանք, ըստ իրավապաշտպանի, «Տավուշը հանուն հայրենիքի» շարժման ակտիվ աջակիցներ են Ավինյանի գլխավորած պատվիրակությունը մեկնում է Փարիզ Ավինյանը կհանդիպի Անն Իդալգոյի հետ |