Հունգարիայի համար Սաֆարովի գործը «առայժմ փակված» չէ, պնդում է հունգարացի պետքարտուղարը28 սեպտեմբերի 2012 - 19:54 AMT PanARMENIAN.Net - Ռամիլ Սաֆարովին Ադրբեջանին արտահանձնելու հարցն առայժմ չի կարող փակվել: Այս մասին հայտարարել է Հունգարիայի արտաքին գործերի պետքարտուղար Ժոլտ Նեմետը` Nepszabadsag-ին տված հարցազրույցում: Ըստ նրա, Սաֆարովի արտահանձնման վերաբերյալ Հունգարիայի կառավարության որոշումը լուրջ հետևանքներ է ունեցել, ընդհուպ` մինչև Հունգարիայի հետ հարաբերությունների սառեցումը և ԱՄՆ հետ փոխադարձ վստահության կորուստը, ինչը, ըստ Նեմետի, «գլոբալ չհասկացվածության» հետևանք է: Նեմետը նաև ընդգծել է, որ Հունգարիան պետք է անի հնարավոր ամեն բան` Հայաստանի հետ հարաբերությունները վերականգնելու համար: Նա հավելել է, որ հայ-հունգարական դիվանագիտական հարաբերությունների վերականգնումը առաջիկա ամիսներին բավական իրատեսական նպատակ է: Նեմետն ընդգծել է, որ Հունգարիան, Սաֆարովին արտահանձնելու վերաբերյալ որոշման համար, «ոչ մի փոխհատուցում չի ստացել»: Ըստ նրա, Ադրբեջան վերադառնալուց հետո Սաֆարովին ներում շնորհելը չի կարող բացասաբար անդրադառնալ Բուդապեշտի և Բաքվի տնտեսական համագործակցության վրա, սակայն, այնուամենայնիվ, Ադրբեջանի կողմից ձեռնարկված քայլերը Հունգարիայի կառավարության մոտ «տհաճ նստվածք » է թողել: 2004թ. փետրվարի 19-ին լեյտենանտ Գուրգեն Մարգարյանը Բուդապեշտում գազանաբար կացնահարվեց ադրբեջանցի սպա, ավագ լեյտենանտ Ռամիլ Սաֆարովի կողմից: Երկուսն էլ Բուդապեշտում մասնակցում էին ՆԱՏՕ-ի «Գործընկերություն հանուն խաղաղության» ծրագրի շրջանակներում կազմակերպված անգլերեն լեզվի դասընթացներին: 2006թ. ապրիլի 13-ին մարդասպանը Բուդապեշտում դատապարտվեց ցմահ բանտարկության՝ 30 տարվա ընթացքում առանց ներման իրավունքի: Հայաստանի նախագահ Ռոբերտ Քոչարյանի հրամանագրով Գուրգեն Մարգարյանը 2005թ. փետրվարի 19-ին հետմահու պարգևատրվեց «Արիության համար» մեդալով՝ ծառայության ընթացքում դրսևորած արիության ու ինքնազոհողության համար: Օգոստոսի 31-ին Սաֆարովը Հունգարիայի կողմից արտահանձնվեց Ադրբեջանին, որտեղ անհապաղ ներում ստացավ՝ նրան շնորհվեց մայորի կոչում, նոր բնակարան, վճարվեց 8 տարվա աշխատավարձը: Ի պաստասխան Հայաստանը կասեցրեց դիվանագիտական հարաբերությունները Հունգարիայի հետ: Մինչդեռ հունգարական կողմը պնդում է, որ Բաքուն հավաստիացումներ է տվել, որ Սաֆարովը կշարունակի կրել պատիժն Ադրբեջանում, ոչ պակաս քան 25 տարի: Ըստ որոշ տվյալների Սաֆարովն արտահանձնվել է Ադրբեջանի կողմից 2-3 մլրդ եվրոյի պարտատոմսեր գնելու Բաքվի խոստման դիմաց: Պաշտոնական Բուդապեշտը դա հերքում է: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |