  Ապագա դիվանագետները Ստեփանակերտում են ճանաչողական այցով 13 հոկտեմբերի 2012 - 13:06 AMT PanARMENIAN.Net - Հոկտեմբերի 11-ին Լեռնային Ղարաբաղի Հանրապետության արտաքին գործերի նախարար Կարեն Միրզոյանն ընդունել է ճանաչողական այցով Ստեփանակերտում գտնվող Հայաստանի Հանրապետության ԱԳՆ դիվանագիտական դպրոցի սաների պատվիրակությանը` դպրոցի ռեկտոր Վահե Գաբրիելյանի գլխավորությամբ: Արցախի արտաքին քաղաքական գերատեսչության ղեկավարը, ջերմորեն ողջունելով Հայաստանի ԱԳՆ դիվանագիտական դպրոցի պատվիրակության անդամներին և բարեմաղթանքի խոսքեր հղելով, ծանոթացրել է ԼՂՀ ԱԳՆ կառուցվածքին և գործառույթներին, նախարարության առջև դրված խնդիրներին, ԼՂՀ արտաքին քաղաքականության հիմնական ուղղություններին: Պատասխան խոսքով հանդես է եկել Հայաստանի ԱԳՆ դիվանագիտական դպրոցի ռեկտոր Վահե Գաբրիելյանը: Երախտագիտություն հայտնելով ԼՂՀ արտաքին գործերի նախարարությանը ջերմ ընդունելության համար` նա նշել է, որ դպրոցի սաների ամենամյա այցերն Արցախ, որոնք արդեն ձեռք են բերել ավանդական բնույթ, անչափ օգտակար են հանրապետության քաղաքական, տնտեսական և մշակութային կյանքին անմիջականորեն ծանոթանալու և լիարժեք կարծիք կազմելու առումով: Հանդիպման վերջում ԼՂՀ արտաքին գործերի նախարար Կարեն Միրզոյանը պատասխանել է մասնակիցների բազմաթիվ հարցերին, հայտնում է ԼՂՀ ԱԳՆ մամուլի ծառայությունը:   Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Վերջին լուրեր Միրզոյանը պաշտոնական այցով կայցելի Հունգարիա  Նա հանդիպումներ կունենա Հունգարիայի բարձրաստիճան պաշտոնյաների հետԳասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը |
