Պայմանավորվածություններից ետ կանգնելը, սպառնալիքները, շանտաժը Ադրբեջանի համար սովորական դարձած քայլեր են 7 դեկտեմբերի 2012 - 19:45 AMT PanARMENIAN.Net - ՀՀ-ն բարձր է գնահատում ԵԱՀԿ ՄԽ-ի համանախագահ-երկրների` Ռուսաստանի, ԱՄՆ-ի և Ֆրանսիայի, ջանքերը` ուղղված ղարաբաղյան հակամարտության խաղաղ կարգավորմանը: Այս մասին հայտարարել է ՀՀ ԱԳ նախարար Էդվարդ Նալբանդյանը` ելույթ ունենալով Դուբլինում ԵԱՀԿ ԱԳՆԽ-ի 19-րդ նիստի ժամանակ: Նրա խոսքով, այս տարվա հունիսիսն Լոս Կաբոսում նախագահներ Վլադիմիր Պուտինի, Բարաք Օբամայի և Ֆրանսուա Օլլանդի կողմից ընդունված որոշումը ԵԱՀԿ ՄԽ-ի համանախագահ-երկրների 4-րդ հայտարարությունն էր: «Հասկանալի է` ում են նրանք հասցեագրում իրենց հիմնական կոչերը: Հայաստանը կիսում է միջնորդների կարծիքները` խնդիրը բացառապես խաղաղ ճանապարհով լուծելու վերաբերյալ: Ինչպես և համանախագահ-երկրները, մենք բազմիցս կոչ ենք արել պահպանել 1994թ կնքված հրադադարը և զերձ մնալ թշնամական հայտարարություններից, որոնք ատելություն են սերմանում և ավելացնում լարվածությունը: Ինչպես ՌԴ-ն, ԱՄՆ-ն և Ֆրանսիան, մենք ևս ցավում ենք, որ 2011-ին Դովիլլում ընդունված հայտարարությունը չկարողացանք ամրագրել Կազանի գագաթաժողովի ընթացքում` Ադրբեջանի ապակառուցողական դիրքորոշման պատճառով: Հայաստանը բարձր է գնահատում միջնորդների ջանքերը, մինչդեռ միևնույն ժամանակ ականատես ենք լինում, թե ինչպես է Ադրբեջանում իրականցվում նրանց դեում ուղղված քարոզչություն: Ադրբեջանի պաշտոնյաները փորձում են բանակցությունները այլ հարթություն տեղափոխել, փոխել միջնորդներին, նվազեցնել որոշումներ փնտրելու հարցում համանախագահների ջանքերի նշամակությունը: Ադրբեջանական կողմն անգամ իր հարձակումների թիրախ է դարձնում ԵԱՀԿ գործող նախագահին, չնայած որ նա և նրա թիմը փորձում են թույլ չտալ լարվածության էսկալացիա: Ադրբեջանի համար արդեն սովորական է դարձել ետ կանգնել արդեն ընդունված պայմանավորվածություններից: Չնայած շփման գծում միջադեպերի հետաքննության մեխանիզմների ստեղծման վերաբերյալ համաձայնությանը, Ադրբեջանն արել է ամեն բան, որպեսզի խանգարի դրանց ստեղծմանը, անգամ սպառնալով վետո դնել ԵԱՀԿ ընդհանուր բյուջեի վրա: Նույն բանը տեղի ունեցավ հունվարին Սոչիում կայացած հանդիպումից հետո: Չնայած ղարաբաղյան հակամարտության կարգավորման հիմնարար սկզբունքները շուտափույթ կերպով համաձայնեցնելու վերաբերյալ պայմանավորվածություններին, Բաքուն, միակողմանի առավելության հասնելու ձգտումներով, անտեսում է այն: Չնայած Բաքվի ապակառուցողական դիրքորոշմանը, Հայաստանը հետագայում ևս ջանքեր է գործադրելու` ուղղված բանակցությունների միջոցով ղարաբաղյան խնդիրը լուծելուն»,-հայտարարել է Նալբանդյանը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |