2005 թվականի առաջին եռամսյակի արդյունքներով Հայաստանն առաջին տեղն է զբաղեցնում Ուկրաինա ներմուծվող կոնյակի ծավալներով`առաջ անցնելով Մոլդովայից եւ Ֆրանսիայից: Ուկրաինայում Հայաստանին, Մոլդովային եւ Ֆրանսիային բաժին է ընկնում կոնյակի ներմուծման 78 տոկոսը դրամային արտահայտմամբ, սակայն անվիճելի առաջատար շարունակում է մնալ Հայաստանը, որի մասնաբաժինը կազմում է շուկայի 46 տոկոսը: 2005 թվականին Երեւանի կոնյակի գործարանը մտադիր է ավելացնել իր արտադրանքի արտահանումները Ուկրաինա` հասցնելով այն 350 հազար լիտրի: «Պերնո Ռիկար Ուկրաինա» ընկերության գլխավոր տնօրեն Արա Գրիգորյանի խոսքերով, Երեւանի կոնյակի գործարանն գրավումէ է 6 տարեկան կոնյակների ուկրաինական շուկայի 70 տոկոսը, հաղորդում է «Մեդիամաքս» գործակալությունը: