ICES փորձագիտական կենտրոնը ձևավորվել է դիտորդների առաքելությունը ՀՀ նախագահի ընտրություններում15 հունվարի 2013 - 13:00 AMT PanARMENIAN.Net - Հունվարի 14-ին Մաասթրիխտում աշխատանքային սեմինար անցավ, որի կազմակերպիչն էր Ընտրական համակարգերի միջազգային փորձագիտական կենտրոնը (ICES), որի արդյունքում ձևավորվեց ICES դիտորդների առաքելությունը ՀՀ նախագահի ընտրություններում, ասվում է կենտրոնի պաշտոնական կայքում: 35 փորձագետներից կազմված առաքելությունը կգլխավորի ICES նախագահ, XV գումարման Քնեսեթի պատգամավոր Ալեքսանդր Ցինկերը: Առաքելության կազմում կընդգրկվեն ԵՄ, ԱՄՆ ու Իսրայելի 10 երկրները ներկայացնող միջազգային փորձագետներ: Առաքելության կազմում են 3 ֆունկցիոնալ խմբեր՝ քաղաքական, որի կազմում են Եվրախորհրդարանի ու ազգային խորհրդարանների անդամներ, քաղաքագետներ, իրավաբանական, որի կազմում են իրավաբաններ ու նախկին դիվանագետներ, ԶԼՄ-ների, որի կազմում են քաղաքական մեկնաբաններ ու ԶԼՄ ներկայացուցիչներ: Երկարաժամկետ դիտորդների խմբում, որոնք աշխատանքը կսկսեն փետրվարի 1-ին, կընդգրկվեն 8 փորձագետներ: Խումբը նախատեսում է հանդիպումներ ունենալ թեկնածուների, խորհրդարանական խմբակցությունների ղեկավարների ԿԸՀ ու տարածքային ընտրահանձնաժողովների անդամների հետ: Փետրվարի 15-ին առաքելությունը կներկայացնի միջանկյալ զեկույցը: Կարճաժամկետ դիտորդները Հայաստան կմեկնեն փետրվարի 14-ին: Քվեարկության օրը բոլոր դիտորդները կլինեն Հայաստանի քաղաքներում: Սեմինարին փորձագետներին ներկայացվեց առաքելության առաջին միջանկյալ զեկույցը, որը ներկայացվել է Երևանում 2012թ. դեկտեմբերին կայացած մամլո ասուլիսում: Այն վերլուծում է ՀՀ Սահմանադրությունն ու ԸՕ, նախընտրական իրավիճակը հանրապետությունում և Հարավային Կովկասում ընդհանուր առմամբ: Առաքելությունն ընդհանուր առմամբ բավարար է գնահատել նախընտրական շրջանի նախապատրաստումն ու մեկնարկը; • Հայաստանում ընտրությունների օրենսդիր բազան հիմնականում համապատասխանում է ժողովրդավարական նորմերին: ԸՕ խստիվ կատարումը կարող է ապահովել ընտրությունների թափանցիկությունը: • Առաքելությունը որպես դրական փաստ է նշում ընդունված ԸՕ անփոփոխ մնալը, ինչը թույլ է տալիս մասնակիցներին կանխավ ծրագրել իրենց գործունեությունը: • ԿԸՀ-ն պահպանում է ընտրական գործընթացի ժամանակացույցն ու փուլերը ըստ ԸՕ: • Առաքելությունը կոչ է անում մասնակիցներին ձեռնպահ մնալ այնպիսի գործողություններից ու կոչերից, որոնք կարող են սրել իրավիճակը ու կասկածներ սերմանել ընտրությունների արդյունքի վերաբերյալ, իսկ իշխանություններին՝ բարձրացնել պատասխանատվությունը օրենքի հավասար կիրառման համար: • Առաքելությունը գտնում է, որ գործընթացի բոլոր մասնակիցները արդեն նախընտրական փուլում պետք է հայտարարեն, որ պատրաստ են ազնիվ ու թափանցիկ ընտրապայքարի և պատրաստ են ազնիվ ընտրությունների դեպքում ճանաչել արդյունքներն, անկախ նրանից, կհասնեն նախատեսված արդյունքին, թե՝ ոչ: Դրանում է ժողովրդավարության էությունը: • Առաքելությունը հուսով է, որ նախընտրական շրջանը, ընտրությունների օրն ու արդյունքների ամփոփումը կանցնեն առանց իրավիճակի սրման, իսկ ընտրությունները կհամապատասխանեն միջազգային չափանիշներին: Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |