Հայաստանը պատրաստակամ է համագործակցել Ճապոնիայի հետ ՍԾՏՀ շրջանակներում22 փետրվարի 2013 - 16:52 AMT PanARMENIAN.Net - Փետրվարի 20-21-ը Տոկիոյում Սևծովյան տնտեսական համագործակցության կազմակերպության (ՍԾՏՀ) շրջանակում կայացավ Japan-Black Sea Area Dialogue վերտառությամբ 4-րդ ֆորումը, որին մասնակցեց և ելույթ ունեցավ Ճապոնիայում ՀՀ դեսպան Հրանտ Պողոսյանը: Ֆորումի նպատակը Ճապոնիայի և Սևծովյան տարածաշրջանի համագործակցության զարգացման հեռանկարների քննարկումն էր, որում ընդգրկված էին Ճապոնիայի խորհրդարանի և կառավարության պաշտոնյաներ, ՍԾՏՀ կազմակերպության անդամ երկրների դեսպաններ, արտգործնախարարություններից ոլորտը համակարգող պաշտոնյաներ, ճապոնացի գործարարներ և փորձագետներ, հայտնում է ԱԳՆ մամլո ծառայությունը: Իր ելույթում դեսպան Պողոսյանը, մասնավորապես նշեց, որ Հայաստանը պատրաստակամ է համագործակցել Ճապոնիայի հետ ՍԾՏՀ կազմակերպության շրջանակներում և խրախուսում է բնապահպանության, տրանսպորտի և էներգետիկայի բնագավառներում ծրագրերի իրականացման ճապոնական կողմի առաջարկը: Դեսպանն ընդգծեց նաև, որ այդ ոլորտներում Հայաստանն արդեն իսկ Ճապոնիայի հետ գործակցության առաջարկներ և նախագծեր ունի: Ֆորումի մասնակիցներն արձանագրեցին, որ ելույթներն ու քննարկումները զգալիորեն նպաստեցին Ճապոնիա-ՍԾՏՀ կազմակերպություն համագործակցության ակտիվացմանը, ներկայացված առաջարկների առարկայացմանն ու հետագա քայլերի հստակեցմանը: Վերահաստատվեց, որ ՍԾՏՀ կազմակերպությունը միտված է տնտեսական համագործակցության խթանմանը, և հարկ է զերծ մնալ ՍԾՏՀ հարթակում քաղաքական խնդիրներ արծարծելուց ու համատեղ արդյունավետ աշխատանքով ձգտել տարածաշրջանի խաղաղությանը, կայունությանն ու բարգավաճմանը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՀՀ լեռնային մարզերում մինչև -1․․․-2 աստիճան ցուրտ է սպասվում Մայիսի 9-ին սպասվում է առանց տեղումների եղանակ Թաթոյանը միացել է Բագրատ սրբազանի առաջնորդած շարժմանը Նա նշել է, որ իրականացվող սահմանազատումը միջազգային որևէ պահանջի չի համապատասխանում IDBank-ի աջակցության նոր ծրագիրը՝ ուղղված բռնի տեղահանված արցախցիներին. «Քո կողքին» Ծրագրում ներառվել են այն ընտանիքները, որոնք ունեն երեք և ավելի երեխա Վարչապետ․ Սահմանային սյուները ՀՀ անվտանգության երաշխիքի սյուներ են, եթե գործընթացը կասեցվի` պատերազմ կլինի Նա ասել է, որ պետք է ամեն ինչ անել սահմանային սյուները շատացնելու համար |