Աղետի մասին բնակչությանը տեղեկացվելու է 5-7 րոպեի ընթացքում19 մարտի 2013 - 16:06 AMT PanARMENIAN.Net - Այսօր ՓԾ տնօրեն, գեներալ-մայոր Ս. Ազարյանը ՀՀ ԱԻ նախարարությունում հանդիպել է Ճապոնիայի միջազգային համագործակցության գործակալության (JICA) հետազոտական խմբի ղեկավարի տեղակալ Քենջի Յանոյի հետ: Այս մասին PanARMENIAN.Net ը տեղեկանում է ԱԻՆ լրատվական ծառայությունից: Հանդիպման ընթացքում ամփոփվել են ՀՀ ԱԻ նախարարության և ճապոնական գործակալության կողմից իրականացվող «ՀՀ-ում սեյսմիկ ռիսկի գնահատման և կառավարման պլանավորում» ծրագրի արդյունքները, այնուհետև քննարկվել են «ՀՀ-ում սողանքային աղետների կառավարման պլանավորում» հայ-ճապոնական ծրագրի ընթացքն ու հետագա անելիքները: Խոսելով իր այցի նպատակների մասին` Քենջի Յանոն նշել է երկու կարևոր խնդիրների մասին` ուժեղ աղետների դեպքում բնակչությանը հաղորդագրությունների ու եթերի միջոցով իրազեկումը և շենքերի, շինությունների ամրացումը: Վերջինի հետ կապված Քենջի Յանոն հանդիպումներ է ունեցել նաև ՀՀ կապի և տրանսպորտի ու քաղաքաշինարարության նախարարությունների ներկայացուցիչների հետ: Քաղաքաշինության նախարարության փոխանցած տվյալներով` շենքերի ամրացման աշխատանքները քայլ առ քայլ արվում են։ Ինչ վերաբերում է աղետների վերաբերյալ եթերով հրատապ տեղեկատվություն հաղորդելուն` կապի և տրանսպորտի նախարարությունը կարող է համագործակցել ԱԻՆ-ի հետ: Ք. Յանոն այցելել էր նաև սեյսմիկ կայաններ, որտեղ բավականին հոգատար վերաբերմունք էր արձանագրել սեյսմոգրաֆների նկատմամբ: Շարունակելով թեման` Ս. Ազարյանը նշել է.«Մենք հանդիպել ենք Հայաստանում գործող բոլոր երեք բջջային կապի օպերատորների և հանրային ծառայություններով զբաղվող հանձնաժողովի հետ` բնակչությանն աղետի մասին, առավելագույնս արագ` 5-7 րոպեի ընթացքում հաղորդագրություններ տարածելու խնդիրը քննարկելու նպատակով: Բնակչությանն աղետների և սպառնալիքների վերաբերյալ տեղեկատվություն տրամադրելը մեր պարտականությունն է»: Անդրադառնալով «ՀՀ-ում սողանքային աղետների կառավարման պլանավորում» ծրագրին` ՓԾ տնօրեն Ս. Ազարյանն ասել է, որ սողանքային գործընթացները ուսումնասիրելու նպատակով կընտրվեն տարածքներ, ուր կտեղադրվեն փարոսիկներ, որոնցից ստացված տեղեկատվությունը կտրամադրվի բնակչությանը: ԱԻ նախարարությունում ստեղծվել է աշխատանքային խումբ, որը կուսումնասիրի սողանքների դեպքում երկաթգծերին սպառնացող վտանգը։ Ք. Յանոն իր գոհունակությունն է հայտնել ՀՀ ԱԻ նախարարության կատարած աշխատանքներից և հավաստել, որ ճապոնական գործակալությունը պատրաստ է շարունակել աջակցությունը.«Ձեր կառավարման կարողությունները շատ բարձր են, ինչի շնորհիվ դուք միշտ հասնում եք ձեր առջև դրած նպատակներին»: Հանդիպման վերջում կողմերի միջև համաձայնություն է ձեռք բերվել շարունակելու վերը նշված խնդիրների շուրջ համագործակցությունը: Ուշագրավ Շենքի շուրջբոլորը ոստիկանությունը պատնեշներ է տեղադրել
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | ԱԳՆ. Վրաստան այցելելու համար ապահովագրության պահանջը դեռ պարտադիր չէ Նշվում է, որ հունիսի 1-ի ժամկետը հաստատված չէ, դիտարկվում են ավելի ուշ ժամկետներ Վարչապետի աշխատակազմ․ 25 հա հող կվերադարձվի Կիրանցին, ճանապարհի տեղափոխման խնդիր կա, գույքային հարցերը կլուծվեն Սահամանապահները կկանգնեն սահմանազատված հատվածում 8-9 օրվա ընթացքում, իսկ Կիրանցի զգայուն հատվածում՝ ավելի ուշ ՀՀ և Ադրբեջանի սահմանազատման հանձնաժողովներն արձանագրություն են ստորագրել Կոորդինատները հստակեցվել են ԽՍՀՄ ԶՈւ ԳՇ 1976թ. տեղագրական քարտեզի համաձայն Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը |