Մոնսերատ Կաբալյեին է՞լ է սպառնում Ադրբեջանի ԱԳՆ «սև ցուցակը»22 մայիսի 2013 - 13:57 AMT PanARMENIAN.Net - Վերջերս աճում է այն համոզմունքը, որ Ադրբեջանի ԱԳՆ-ն, ինչպես նաև Գիտությունների ակադեմիայի բազմաթիվ ինստիտուտները զբաղված են բացառապես նրանով, որ համացանցում որոնում են ցանկացած հիշատակում Հայաստանի ու Լեռնային Ղարաբաղի մասին ու «հետաքննություն» սկսում: Վերջին «հետաքննությունը» վերաբերում է օպերային արվեստի համաշխարհային աստղ Մոնսերատ Կաբալյեին, որը հունիսի 9-ին համերգով հադես է գալու Երևանում, ինչպես նաև վարպետության դասեր է տալու: Որոշ հայկական ԶԼՄ-ներում տեղեկություններ հայտնվեցին, որ հավանաբար Կաբալյեն համերգ կտա նաև Արցախում: Եվ սկսվեց: Ինչպես հայտնում է ադրբեջանական «ԱՊԱ» գործակալությունը, «Ադրբեջանի ԱԳՆ-ն կուսումնասիրի հայկական ԶԼՄ-ների տարածած տեղեկությունն այն մասին, որ հայտնի իսպանական օպերային երգչուհի Մոնսերադ Կաբալյեն համերգ է տալու Ադրբեջանի «գրավյալ տարածքներում»: Այդ մասին հայտարարել է Ադրբեջանի ԱԳՆ մամլո ծառայության ղեկավար Էլման Աբդուլլաևը: Որքան էլ տարօրինակ է, այն հարցը` կերգի Կաբալյեն Ստեփանակերտում, թե՝ ոչ, երկրորդական է: Մեկ բան է հետաքրքիր՝ տեղյա՞կ է արդյոք մեծ երգչուհին, որ նրան սպառնում է Ադրբեջանի ԱԳՆ «սև ցուցակը» և փնովումը Ալիևին ենթակա ԶԼՄ-ներում: Իսկ քանի որ այլ ԶԼՄ-ներ Ադրբեջանում ուղղակի չկան, ապա պարզ է, որ ողջ մամուլը մեղադրում է երգչուհուն բոլոր մահացու մեղքերի մեջ, որոնց թվում է նաև աջակցությունը «անջատողականներին»: Հարց է առաջանում՝ ի՞նչ տեղի կունենա, եթե Ստեփանակերտ մեկնի ոչ թե համաշխարհային անունով աստղը, այլ ցանկացած երկրի ԱԳՆ ղեկավարի մակարդակի քաղաքական գործիչը: Մի՞թե կխզվեն դիվանագիտական հարաբերությունները և այդ քաղաքական գործիչը կհայտարարվի «անցանկալի անձ»: Նշենք, որ «Ադրբեջանի ԱԳՆ սև ցուցակում» են ընդգրկված հարյուրավոր դիվանագետներ, գիտնականներ, քաղաքական գործիչներ Եվրոպայից, Ռուսաստանից, ԱՄՆ-ից ու Կանադայից: Ամեն դեպքում Մոնսերադ Կաբալյեն կհայտնվի շատ պատշաճ շրջապատում տասնյակից ավելի ֆրանսիացի խորհրդարանականների, դիվանագետների ու ռուս պատգամավորների հետ միասին: Կարինե Տեր-Սահակյան / PanARMENIAN News Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |