ԼՂ հարցում եվրոպացի պաշտոնյայի ակնկալած բեկումն ու ԼՂՀ իշխանությունների իմացած միակ ճիշտ լուծումը28 մայիսի 2013 - 17:12 AMT PanARMENIAN.Net - Եթե վերջնականապես միջազգային հանրությունն ընդունի, որ Արցախի հարցի կարգավորումը կարող է լինել միայն Արցախի և Ադրբեջանի փոխադարձ ճանաչման եղանակով, այսինքն` Ադրբեջանը ճանաչի Արցախի Հանրապետության անկախությունը, իսկ Արցախը` Ադրբեջանը, ապա, ըստ Արցախի նախագահի մամուլի խոսնակ Դավիթ Բաբայանի, դա, իհարկե, բեկում է, և ոչ միայն բեկում` դա տրամաբանական մոտեցում կլինի: PanARMENIAN.Net ի թղթակցի հետ զրույցում ԵԽԽՎ նախագահ Ժան Կլոդ Մինյոնի Բաքվում արած հայտարարությանը, թե 2013թ.-ը կարող է բեկումնային դառնալ ԼՂ հարցում, Դավիթ Բաբայանը արձագանքեց. «Նայած ինչպիսի բեկում է ակնկալում եվրոպացի այդ քաղաքական գործիչը»: Դավիթ Բաբայանը նկատեց, որ եթե իր նշած տարբերակը լինի, ապա հնարավոր է միջազգային հանրությունը Ադրբեջանին, որ կանգնել է ֆաշիստական ուղու վրա և քարոզում է դա, հասկացնի, որ դա է ճիշտ մոտեցումը, և միակ տարբերակը հենց դա է: Սակայն, ըստ ԼՂՀ մամուլի խոսնակի, պետք է հաշվի առնել մի շարք հանգամանքեր: «Եթե նույնիսկ միջազգային հանրությունը իր այսպես ասած կածիքը փոխի և գա նշված տրամաբանությանը, ապա Ադրբեջանը 2013թ-ին հաստատ որևէ բան չի անի, քանի որ այնտեղ ներքին քաղաքական ակտիվ իրավիճակ է, նախագահական ընտրություններ են և այս ժամանակահատվածում գնալ ինչ-որ կտրուկ քայլերի, նույնիսկ նրանք ճիշտ լինեն, չեմ կարծում, որ իշխող վարչակարգը կգնա դրան»,- ասաց Դավիթ Բաբայանը: Հիշեցնենք, որ Բաքվում նախօրեին ԵԽԽՎ նախագահ Ժան Կլոդ Մինյոնը հայտարարել է, որ 2013թ. կարող է բեկումնային դառնալ ղարաբաղյան հակամարտության համար: «Մեզ թվում է, որ 2013թ. կարող է բեկումնային դառնալ: Հայաստանն ու Ադրբեջանը կոնկրետ քայլեր ձեռնարկելու հնարավորություն են ստանում: Հայաստանն ու Ադրբեջանը նախագահելու են ԵԽ Նախարարների կոմիտեում, որի ստեղծման հիմնական նպատակներից մեկը հակամարտությունների կանխումն էր, ինչպես նաև արդեն գոյություն ունեցող հակամարտությունների կարգավորումը: Այդ առումով, Հայաստանն ու Ադրբեջանը շանս են ստանում: Նրանք պետք է օգտվեն այդ շանսից, գնահատեն այդ պատմական պահն ու կոնկրետ քայլեր ձեռնարկեն այդ հակամարտության լուծման համար»,- ասել է նա: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են Վարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |