Պարարտանյութի բաշխման գործընթացն արդեն հիմնականում ավարտվել է 31 մայիսի 2013 - 18:19 AMT PanARMENIAN.Net - ՀՀ փոխվարչապետ, տարածքային կառավարման նախարար Արմեն Գևորգյանի մոտ այսօր մարզպետների մասնակցությամբ կայացած խորհրդակցությանը ներկայացվեց հողօգտագործողներին մատչելի գնով պարարտանյութ և դիզելային վառելիք տրամադրելու պետական ծրագրերի շրջանակում իրականացվող աշխատանքների ընթացքը: Նշվեց, որ պարարտանյութի բաշխման գործընթացն արդեն հիմնականում ավարտվել է: Փոխվարչապետը մարզպետներին տեղեկացրեց, որ ՀՀ տարածքային կառավարման և ֆինանսների նախարարությունների համապատասխան ստորաբաժանումները համատեղ ուսումնասիրություն են իրականացնելու` ծրագրերի արդյունավետության, նպատակային իրականացման վերաբերյալ և հորդորեց մարզպետներին հետևել, որպեսզի ծրագրերը ծառայեն բացառապես կառավարության կողմից սահմանված նպատակին: Խորհրդակցությանը զեկուցվեց նաև մարզերի առաջնահերթ խնդիրների լուծման չորրորդ ծրագրի ընթացքի մասին: Նշվեց, որ ներկայումս իրականացվել է ծրագրով նախատեսված աշխատանքների մոտ 60 տոկոսը: Փոխվարչապետը մարզպետներին հանձնարարեց աշխատանքները պահել ամենօրյա ուշադրության կենտրոնում, հետևողական լինել որակի և ժամկետների հարցում: Քննարկվեց նաև համայնքներում աշխատավարձերի գծով կուտակած պարտքերի խնդիրը: Ա. Գևորգյանը Գեղարքունիքի և Սյունիքի մարզպետների ուշադրությունը հրավիրեց Սևան և Մեղրի քաղաքներում աշխատավարձերի գծով կուտակած պարտքերի հարցին` առաջարկելով քայլեր ձեռնարկել սեղմ ժամկետներում խնդիրը կարգավորելու ուղղությամբ: Մարզպետները նաև տեղեկություններ ներկայացրեցին վերջին օրերին եղանակային վատ պայմանների, մասնավորապես, կարկտահարության հետևանքով մարզերում առաջացած խնդիրների մասին: Արմավիրի մարզպետը զեկուցեց մայիսի 12-ին կարկուտից տուժած համայնքներին կառավարության կողմից ցուցաբերվող օժանդակության ծրագրի իրականացման ուղղությամբ կատարվող աշխատանքների մասին: Ա. Գևորգյանն առաջարկեց աշխատել ՀՀ տարածքային կառավարման, աշխատանքի և սոցիալական հարցերի նախարարությունների, ջրային տնտեսության պետական կոմիտեի ներկայացուցիչների հետ և սեղմ ժամկետներում ավարտել շահառուների ցուցակների կազմման աշխատանքները` ծրագրի իրականացումն սկսելու համար: Խորհրդակցությանը քննարկվեցին նաև ընթացիկ մի շարք այլ հարցեր, ասվում է ՏԿՆ հասարակայնության հետ կապերի բաժնի հաղորդագրության մեջ:   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով  Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքըԿուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձություններըԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալԷրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |
