Երևան-Սևան մայրուղում հանգստյան օրերին իրականացվում են շտապօգնության բրիգադների հերթապահություններ26 հունիսի 2013 - 21:30 AMT PanARMENIAN.Net - ՀՀ առողջապահության նախարար Դերենիկ Դումանյանի մոտ մարզերի առողջապահության ոլորտի պատասխանատուների մասնակցությամբ այսօր կայացել է հերթական գործակարգավարական խորհրդակցությունը: Այս մասին PanARMENIAN.Net ը տեղեկանում է նախարարության մամուլի ծառայությունից։ Անդրադառնալով հանձնարարականների կատարմանը, զեկուցվել է, որ հունիսի 22-ից Երևան-Սևան մայրուղում հանգստյան օրերին իրականացվում են շտապօգնության բրիգադների հերթապահությունները։ Նաև նշվել է, թե ինչ աշխատանքներ են տարվել ավտովթարներից տուժածներին և ծանր հիվանդներին անհարկի մայրաքաղաք տեղափոխելու դեպքերը նվազեցնելու ուղղությամբ։ Մասնավորապես, արդիականացված հիվանդանոցների ղեկավարներին հանձնարարվել է բժշկական օգնությունը տեղում կազմակերպելու նպատակով անհրաժեշտության դեպքում դիմել նախարարության գլխավոր մասնագետների օգնությանը, եթե չկա բարձր տեխնոլոգիաների անհրաժեշտություն, որը կարելի է միայն Երևանում ապահովել։ Ընթացիկ հարցերի քննարկումից հետո նախարարը մարզերի առողջապահության ոլորտի ներկայացուցիչների ուշադրությունը հրավիրել է մի քանի կարևոր հարցերի վրա։ Նա տեղեկացրել է, որ Համաշխարհային բանկի առողջապահության մասնագետների հետ քննարկել է մրցույթների անցկացման արդյունքում ունեցած ֆինանսական տնտեսումներն այդ նույն ծրագրերի շարունակականության ապահովմանն ուղղելու հարցը։ Մասնավորապես, շինարարական մրցույթներից առաջացած խնայողություններով առաջարկվել է վերանորոգել գյուղական ևս 6 ամբուլատորիա և Մեծամորի պոլիկլինիկայի տարածքը։ Նախարար Դումանյանը ՀԲ մասնագետներին նաև առաջարկել է մայրաքաղաքի շտապօգնության ծառայության արդականացման արդյունքում շահագործումից հանված մեքենաները, որոնք քաղաքապետարանը պատրաստ է անհատույց տրամադրել նախարարությանը, մրցույթներից տնտեսված միջոցներով նորոգել և հատկացնել հեռավոր գյուղերի ամբուլատորիաներին։ Քննարկվել են նաև առողջապահության համակարգի և առաջին հերթին մարզային կառույցների օպտիմալացման, քաղաքային բնակավայրերում ընտանեկան բժշկի համակարգի ընդլայնման և այլ հարցեր։ Նախարարը մարզերի առողջապահության ոլորտի պատասխանատուներին հորդորեց առավել ակտիվորեն ընդգրկվել ոլորտում ընթացող բարեփոխումների ծրագրերում։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ՊՆ․ Տեսանյութում պատկերված անձը ՀՀ հատուկ նշանակության ստորաբաժանման զինծառայող է Լուրեր էին տարածվել, որ Կիրանցի բնակիչները «ադրբեջանցի հատուկջոկատայինի են նկատել» Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են |