Փոխվարչապետը Արարատի մարզի ՋՕԸ ղեկավարների մասնակցությամբ խորհրդակցություն է անցկացրել29 հունիսի 2013 - 14:07 AMT PanARMENIAN.Net - ՀՀ փոխվարչապետ, տարածքային կառավարման նախարար Արմեն Գևորգյանը ոռոգման աշխատանքների ընթացքին ծանոթանալու նպատակով այցելել է Արարատի մարզ: Այս մասին հայտնում են ՏԿՆ հասարակայնության հետ կապերի բաժնից: Մարզպետ Է. Բարսեղյանի, ՏԿՆ Ջրային տնտեսության պետական կոմիտեի պատասխանատուների ուղեկցությամբ փոխվարչապետը նախ այցելել է «Ավշար» և «Ավշար –Այգևան» պոմպակայաններ, ծանոթացել կառույցների վիճակին և հզորություններին: Փոխվարչապետին զեկուցվել է, որ «Հազարամյակի մարտահրավեր հիմնադրամ –Հայաստան»-ի ծրագրով 2011թ. վերականգնված պոմպակայանների տեխնիկական վիճակը բավարար է, գործում են ողջ հզորությամբ` ապահովելով շրջակա համայնքների ոռոգումը: Փոխվարչապետն այնուհետև խորհրդակցություն է անցկացել «Արարատ» ՋՕԸ-ում` ՏԿՆ Ջրային տնտեսության պետական կոմիտեի պատասխանատուների, մարզի ջրօգտագործողների ընկերությունների ղեկավարների մասնակցությամբ: Քննարկվել են մարզում ոռոգման շրջանի ընթացքին վերաբերող հարցեր: ՋՕԸ ղեկավարները ներկայացրեցին ընթացիկ իրավիճակը` տեղեկացնելով, որ իրենց սպասարկման տարածքում այս տարի լուրջ խնդիրներ չեն առաջացել և հաջողվում է բավարարել պահանջարկը: Փոխվարչապետը կարևորել է ՋՕԸ-երի աշխատանքների արդյունավետ կազմակերպումը, որը պետք է ուղղված լինի ինչպես գյուղացիական տնտեսություններին ժամանակին անհրաժեշտ ջրաքանակով ապահովելուն, այնպես էլ մատակարարված ջրի հաշվառմանը, ձևավորված հասույթների դիմաց վարձավճարների ամբողջական հավաքագրմանը: Ա. Գևորգյանն ընդգծել է բոլոր գանձումները բացառապես ջրօգտագործողների հետ կնքված պայմանագրերի համապատասխան իրականացնելու անհրաժեշտությունը: Նրա խոսքով` ոռգման համակարգի անխափան գործունեությունը կախված է նաև ՋՕԸ-երի բարեխիղճ և արդյունավետ աշխատանքից: Փոխվարչապետն առանձնահատուկ կարևորել է ՋՕԸ-ի կառավարման խորհուրդների` հանրության համար բաց գործելաոճը` նշելով, որ ջրօգտագործողներին հուզող բոլոր հարցերը պետք է քննարկվեն կառավարման խորհրդում և համապատասխան լուծումներ ու պարզաբանումներ ստանան: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը Վենետիկի 60-րդ հոբելյանական բիենալեի հայկական տաղավարի պաշտոնական աջակիցն է ARARAT լեգենդար հայկական կոնյակը Ազգային տաղավարի համադրողն է ԳԱԿ ցուցադրությունների գծով տնօրեն Արմեն Եսայանցը Փոխվարչապետը շեշտել է ՎԶԵԲ-ի դերը ԵՄ տնտեսական և ներդրումային պլանի իրականացման գործընթացում Գրիգորյանը նշել է, որ ՎԶԵԲ-ը Հայաստանի համար առանցքային գործընկեր է |