ՀՀ և ՌԴ նախագահները մտադիր են էլ ավելի բարձրացնել երկկողմ գործակցության մակարդակը 3 սեպտեմբերի 2013 - 17:22 AMT PanARMENIAN.Net - Մոսկվայում տեղի է ունեցել Հայաստանի և Ռուսաստանի նախագահներ Սերժ Սարգսյանի ու Վլադիմիր Պուտինի հանդիպումը: Ինչպես հայտնում է Կրեմլի մամլո ծառայությունը, հանդիպման ընթացքում Վլադիմիր Պուտինը նշել է, որ շատ ուրախ է, որ երկու երկրների հարաբերությունները այսքան ինտենսիվ են զարգանում, իսկ շփումները բոլոր ուղղություններով հաճախակի են: «Խորհրդարանի գծով, կառավարության, գործարար կառույցների: Այս ամենի արդյունքը տնտեսության մեջ մենք ունենք»,-ասել է Վ.Պուտինը: Ըստ նրա, ապրանքաշրջանառությունը երկու երկրների միջև գերազանցում է 23 տոկոսը: «Ռուսաստանը Հայաստանի առաջին առևտրատնտեսական գործընկերն է: Այդ միտումները պահպանվում են»,-հավելել է ՌԴ նախագահը: Իր հերթին Սերժ Սարգսյանն ասել է, որ «կուտակվել են բազմաթիվ հարցեր, որոնք հարկավոր է քննարկել ու որոշումներ կայացնել ամրապնդելու համար մեր հարաբերությունները և, անշուշտ, դրական գործընթացները»: «Մեր հարաբերությունները, Հայաստանի ու Ռուսաստանի հարաբերությունները, կառուցված են մեր երկրների ժողովրդների բարեկամության ու եղբայրության դարավոր ավանդույթների վրա: Ես վստահ եմ, որ առաջիկայում ևս այդ հարաբերությունները կզարգանան փոխըմբռնման հունով, Բարեկամության, համագործակցության ու փոխադարձ օգնության պայմանագրի համաձայն»,-ասել է Հայաստանի նախագահը՝ վստահություն հայտնելով, որ հայերի ու ռուսների յուրաքանչյուր սերունդ պետք է իր լուման ներդնի այդ հարաբերությունների պատմության մեջ: «Մենք բարձր ենք գնահատում այդ հարաբերություններն ու ամեն ինչ անելու ենք դրանց զարգացման համար: Դա մեզ համար բացարձակ գերակայություն է: Միևնույն ժամանակ, անշուշտ, կան հարցեր, որոնք հարկավոր է լուծել, որպեսզի մեր հարաբերությունները բարձրանան նոր, էլ ավելի բարձր մակարդակի: Այդ կապակցությամբ էլ ես ժամանել եմ Մոսկվա, շնորհակալություն հրավերի համար»,-հավելել է նա: Նախօրեին ՌԴ նախագահի օգնական Յուրի Ուշակովը հայտարարեց, որ Հայաստանի և Ռուսաստանի նախագահներ Սերժ Սարգսյանի ու Վլադիմիր Պուտինի հանդիպմանը կքննարկվեն, մասնավորապես, Հայաստանի գործակցության հեռանկարները Մաքսային միության և Ռուսաստանի, Բելառուսի և Ղազախստանի Միասնական տնտեսական տարածքի հետ, երկուշաբթի հայտարարել է «Նախանշված է նաև քննարկել ինտեգրացիոն գործընթացների զարգացումը ԱՊՀ տարածքում: Մասնավորապես, Մաքսային միության և Ռուսաստանի, Բելառուսի ու Ղազախստանի Միասնական տնտեսական տարածքի հետ Հայաստանի փոխգործակցության հեռանկարները, ՀԱՊԿ շրջանակներում բազմակող գործակցության ակտուալ հարցեր»,- ասել է Ուշակովը: Նա նշել է, որ Ռուսաստանը Հայաստանի առաջատար գործընկերն է արտաքին առևտրի ոլորտում, որի բաժինը հասնում է 23,5 տոկոսի: Դրական դինամիկա է նկատվում նաև ներդրումային ոլորտում: «Ենթադրվում է, որ բանակցությունների կարևոր թեմա կհանդիսանան Անդրկովկասում անվտանգության ու կայունության հարցերը՝ ներառյալ ղարաբաղյան կարգավորմանն ուղղված հետագա քայլերը»,- հավելել է Ուշակովը: Ավելի վաղ փորձագետներն ինչպես Հայաստանում, այնպես էլ երկրի սահմաններից դուրս, փորձում էին կանխատեսել, թե հատկապես որ հարցերը կլինեն գլխավոր երկու նախագահների հանդիպմանը: Որոշ փորձագետներ ենթադրում էին, որ Մոսկվա այցելության ընթացքում Հայաստանի նախագահը պետք է հստակ պատասխանի այն հարցին, թե ում հետ է Հայաստանը՝ Ռուսաստանի թե Եվրոպայի, այսինքն Մաքսային միության թե ԵՄ-ին ասոցիատիվ անդամակցության: Դա նշանակում է, որ Սերժ Սարգսյանը ստիպված է լինելու համոզել Պուտինին, թե Ասոցացման մասին համաձայնագրի տնտեսական բաղադրիչը փոփոխությունների չի հանգեցնի ռազմաքաղաքական ոլորտում համագործակցության հարցում: ԵՄ հետ Ասոցացման համաձայնագրի և «Խորը ու համապարփակ առևտրի ազատ գոտու մասին» համաձայնագրի նախաստորագրումը Հայաստանի հետ նախատեսված է նոյեմբերին՝ Վիլնյուսում կայանալիք Եվրամիության ղեկավարության ու Արևելյան գործընկերության երկրների առաջնորդների գագաթաժողովի շրջանակներում: Մյուս փորձագետներն այն կարծիքի էին, որ ԵՄ հետ Ասոցացման համաձայնագրի հարցը գլխավորը չի լինելու մոսկովյան հանդիպման ժամանակ: Առավել ևս, որ երկու Միությունների մասին ընտրության հարց չկա, քանի որ Հայաստանի կողմից այդ համագործակցության տեսլականը ներառում է եվրոպական քաղաքականության տարրեր, սակայն ամենևին կասկածի տակ չի դնում Ռուսաստանի հետ փոխհամագործակցությունը: Կարծիք է հայտնվել նաև, որ Սարգսյան-Պուտին հանդիպման հիմնական հարցը կլինի ղարաբաղյան կարգավորումը աշնանը Ադրբեջանում կայանալիք նախագահական ընտրությունների լույսի ներքո: Նախագահական ընտրություններն Ադրբեջանում կանցնեն 2013թ. հոկտեմբերի 9-ին: Ներկայումս պաշտոնապես գրանցված է 12 թեկնածու, այդ թվում նաև գործող նախագահ Իլհամ Ալիևը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |