  ԵԱՀԿ ՄԽ-ն արձագանքել է ԼՂՀ դիրքերի գնդակոծմանը դիտարկման ժամանակ (թարմացված) 18 հոկտեմբերի 2013 - 11:00 AMT PanARMENIAN.Net - ԵԱՀԿ Մինսկի խմբի համանախագահներն ու ԵԱՀԿ գործող նախագահի անձնական ներկայացուցիչ Անջեյ Կասպրշիկը հոկտեմբերի 17-ին հայտարարություն են տարածել Ղարաբաղի և Ադրբեջանի զինված ուժերի շփման գծում տեղի ունեցած միջադեպի կապակցությամբ: Հայտարարության մեջ ասվում է, որ ԵԱՀԿ գործող նախագահի անձնական ներկայացուցիչն ու նրա դաշտային օգնականները մասնակցել են դիտարկմանը զինված ուժերի շփման գծի հարավային մասում: Երկու կողմերի հրամանատարներից անվտանգության երաշխիքներ ստանալուն պես, ԵԱՀԿ երկու թիմերը ժամանել են դիտարկման վայր, որից հետո կրակոցներ են լսվել: Պարզել, թե որտեղից են հնչել կրակոցները, «հնարավոր չի եղել»: Ելնելով անվտանգության նկատառումներից՝ անձնական ներկայացուցիչը որոշել է հետաձգել դիտարկումը: ԵԱՀԿ ՄԽ համանախագահները հայտարարել են, որ նման բացառիկ միջադեպերը, որոնք ափսոսանքի են արժանի, խախտում են անձնական ներկայացուցչի և նրա թիմի աշխատանքը, ինչպես նաև 1994 թվականին ձեռք բերված հրադադարի մասին համաձայնագիրը: Համանախագահները հորդորել են պաշտոնյաներին հետաքննել միջադեպը: Մինչդեռ, «ԱՊԱ» ադրբեջանական գործակալությունը դիվանագիտական աղբյուրի վրա հղումով հայտնում է, որ ԵԱՀԿ ՄԽ համանախագահները հերթական այցը կկատարեն տարածաշրջան նոյեմբերի առաջին շաբաթվա ընթացքում: Միջնորդները կմեկնեն Բաքու, հետո՝ Երևան: Այցի նպատակն է շարունակել ղարաբաղյան հակամարտության կարգավորմանն ուղղված ջանքերը և կազմակերպել Ադրբեջանի ու Հայաստանի նախագահների հերթական հանդիպումը: «Միջնորդները մտադիր են առաջարկել նրանց հանդիպել: Ամեն ինչ կախված է կողմերից: Համաձայնության դեպքում հանդիպումը տեղի կունենա նոյեմբերի վերջում»,-հայտնել է աղբյուրը: Լեռնային Ղարաբաղի և Ադրբեջանի զինված ուժերի շփման գծի Հադրութի ուղղությամբ հոկտեմբերի 17-ին նախատեսված ԵԱՀԿ առաքելության պլանային դիտարկումն ընդհատվել է ադրբեջանական կողմից ԼՂՀ Պաշտպանության բանակի դիրքերի ուղղությամբ ավտոմատ զենքից արձակված կրակոցների պատճառով: Կրակոցներն արձանագրվել են երկու կողմերի դիտարկման խմբերի կողմից: ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկը, ով գլխավորել է դիտարկման առաքելությունը հակառակ կողմից, անվտանգության նկատառումներից ելնելով, որոշում է ընդունել դադարեցնել դիտարկումը, հայտնում է ԼՂՀ ԱԳՆ մամուլի ծառայությունը: Հղումներ թեմայով.    Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը:  Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Սյուժե Վերջին լուրեր ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի  Չվերթը կգործարկվի արդեն հուլիսինԱդրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում ենՎարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |
