Մինեսոտայի համալսարանում Վերֆելի «Մուսա լեռան 40 օրվան» նվիրված դասախոսություն է անկացվել24 հոկտեմբերի 2013 - 13:37 AMT PanARMENIAN.Net - Հայագիտության պրոֆեսոր Վահրամ Շեմասյանը Կալիֆորնիայի համալսարանից հանդես է եկել Մինեսոտայի համալսարանում ավստրիացի գրող Ֆրանց Վերֆելի «Մուսա լեռան 40 օրը» վեպի հրատարակության 80-ամյակին նվիրված դասախոսությամբ, գրում է Asbarez-ը: Միջոցառումը կազմակերպել էին հայագիտության ամբիոնը, Ազատ արվեստների քոլեջն ու Հոլոքոսթի ուսումնասիրության կենտրոնը: Ըստ քոլեջի դեկան Ռայմոնդ Դյուվալի, մարդկությունը պետք է իմանա ճշմարտությունը Հայոց ցեղասպանության մասին: «Այս տարի նշվում է «Մուսա լեռան 40 օրը» վեպի հրատարակման 80-ամյակը: Սակայն, դա լոկ նախկին նվաճումների տոնակատարություն չի լինի, քանի որ այդ գիրքը չի կորցրել նշանակությունը մինչ օրս: 2012 թվականի հունիսին Չեխիայում տեղի ունեցավ ցեղասպանության ուսումնասիրությանը նվիրված առաջին միջազգային խորհրդաժողովը: Համաժողովի ընդհանուր թեման է՝ «Մովսեսի լեռը. Ապստամբություն, դիմադրություն և զանգվածային ոչնչացման զոհերի փրկությունը»: 2013 թվականի մարտին Պոտսդամում Լեփսիուսի և Մոիսեյ Մենդելսոնի կենտրոնում կազմակերպվեց եռակողմ խորհրդաժողով «Ցեղասպանությունն ու գրականությունը. Ֆրանց Վերֆել՝ հայկական, հրեական, թուրքական, գերմանական տեսակետները» թեմայով: Նույն տարվա ընթացքում ապրիլին Հայաստանի Ազգային գրադարանում տեղի ունեցավ վեպի լույս ընծայման 80-ամյակին նվիրված ցուցահանդես Հայոց ցեղասպանության թանգարան-ինստիտուտի հետ համատեղ: Եվ, վերջապես, Գերմանիայում շնոհվեց 10 000 եվրո Ֆրանց Վերֆելի մրցանակը այն նախաձեռնող խմբերին, որոնք հանդես են գալիս մարդու իրավունքների խախտման, ցեղասպանության, ազգային, կրոնական ու ռասայական խմբերի միտումնավոր ոչնչացման ու բռնագաղթի դեմ: Մրցանակը սահմանվել է 2003 թվականին», ասել է իր դասախոսության մեջ պրոֆեսոր Շեմասյանը: Դասախոսության ժամանակ ցուցադրվել է մոտ 30 լուսանկար՝ Մուսա լեռը, ֆրանսիացիների կողմից լեռան պաշտպանների փրկությունը, փախստականների ճամբարը Պորտ Սայիդում, 1932 թ. սեպտեմբերի 18-ին տեղադրված հուշարձանը և այլն: «Մուսա լեռան 40 օրը» վեպն առանձնակի տեղ է գրավում Վերֆելի ստեղծագործությունների մեջ։ Ստեղծագործության համար հիմք է ծառայել 1915 թ. Կիլիկիայի Սուեդիայի շրջանի հայության հերոսական պայքարը թուրքական ջարդարարների դեմ: Ցնցված այդ իրադարձություններից հետագայում գրողը հարցազրույցներից մեկում ասել է. «Մուսա լեռան պաշտպանությունն այնքան ինձ տպավորեց, որ ես ցանկացա օգնել հայերին՝ գրելով այս վեպն ու պատմելով աշխարհին այդ իրադարձությունների մասին»: Վեպը մեծ հաջողություն է ունեցել ընթերցողների շրջանում, 1934 թ. արժանացել է տարվա լավագույն վեպի միջազգային մրցանակի: Գաղափարը Վերֆելի մոտ ծագեց 1959 թվականին, երբ նա Դամասկոսում էր, որտեղ տեսավ հայ երեխաներին, որոնք աշխատում էին գորգագործական ֆաբրիակայում: Վեպը գրվել է 1932 թվականին գերմաներեն լեզվով և թարգմանվել է 34 լեզուներով: Գիրքը մեծ ճանաչում ստացավ, առաջին երկու շաբաթում վաճառվեց 34 000 նմուշ: Վեպի հերոս Գաբրիել Բագրատյանի կերպարի համար նախատիպ է ծառայել հայերի դիմադրության առաջնորդ Մովսես Տեր-Գալստյանը: Ֆրանսիացիների նավերով փրկված հայերի թվում էր նաև քահանա Տիգրան Անդրեասյանը, որը գրառումներ էր կատարում դիմադրության մասին, որոնք հետագայում հիմք ծառայեցին վեպի համար: Ֆրանց Վերֆելը հանկարծամահ է եղել 1945 թվականի օգոստոսի 26-ին՝ ԱՄՆ-ի Բևեռլի Հիլզում։ Հետագայում նրա աճյունը երախտագետ մի խումբ հայերի կողմից փոխադրվել է Վիեննա և հանձնվել հողին: Գերմանացի հասարակական գործիչ, հոգևորական (աստվածաբանության դոկտոր), արևելագետ Յոհաննես Լեփսիուսը, դատապարտելով թուրքական իշխանությունների հայաջինջ գործողությունները, իր երկրի կառավարությունից պահանջել է ազդու միջոցներով դադարեցնել հայերի կոտորածները։ Նրա երկերը և դիվանը (պատմական փաստաթղթերի ժողովածու) ապացուցում են, որ Արևմտյան Հայաստանում և Օսմանյան կայսրության հայաբնակ վայրերում Առաջին աշխարհամարտի (1914–18 թթ.) ժամանակ կատարվել է Հայոց ցեղասպանություն։ Առաջին աշխարհամարտից հետո Լեփսիուսը հրապարակել է բազմաթիվ կարևոր փաստաթղթեր Հայաստանի վերաբերյալ («Գերմանիան և Հայաստանը 1914–18 թթ-ին», 1919 թ.): 1921 թ.-ին Բեռլինում Սողոմոն Թեհլերյանի դատավարության ժամանակ հանդես է եկել որպես վկա: Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |