«Լրագրողների պաշտպանության կոմիտեն» քննադատել է Բաքվին ԶԼՄ-ներին ճնշելու ու «սև ցուցակի» համար14 փետրվարի 2014 - 14:30 AMT PanARMENIAN.Net - Միջազգային իրավապաշտպան «Լրագրողների պաշտպանության կոմիտե» կազմակերպությունը քննադատել է Ադրբեջանին ԶԼՄ-ներին ճնշելու ու Լեռնային Ղարաբաղ այցելած անձանց չարաբաստիկ «սև ցուցակի» համար: Ինչպես ասվում է զեկույցում, այն ժամանակ երբ Ադրբեջանը ստանձնում է նախագահությունը Եվրոպայի խորհրդում, Ալիևի ռեժիմն անամոթաբար ոտնահարում է մամուլի ազատությունը երկրի ներսում: Իշխանությունները շարունակում են խլացնել քննադատների ձայները, ոտնահարել մամուլի ազատությունը ինտերնետում, դատապարտել լրագրողներին ազատազրկման տևական ժամկետների: Միակ տեղացի լրագրողը զրկված է երկրից մեկնելու իրավունքից Նորվեգիայում լրագրողական մրցանակ ստանալու համար, այն դեպքում, երբ մամուլի տասնյակ օտարերկրացի աշխատակիցներ անցանկալի անձ են հայտարարվել Ադրբեջանում: «Հետազոտող լրագրող Հադիջա Իսմաիլովայի հետապնդումները, այդ թվում նաև իշխանությունների հետ կապված ԶԼՄ-ների կողմից, անպատիժ մնացին: Չնայած բողոքներին երկրի ներսում ու արտերկրում, Ալիևը համացանցի վրա ևս տարածեծ զրպարտության համար քրեական պատասխանատվության մասին օրենքի գործողությունը և խստացրեց ֆինանսական սահմանափակումները ոչ կառավարական կազմակերպությունների համար, այդ թվում խոսքի ազատության պաշտպան կազմակերպությունների համար: Հունիսին, փոխանակ հրապարակավ Ադրբեջանի նախագահի վրա դնելու պատասխանատվությունը մարդու իրավունքների խախտման ու մամուլի ազատության ոտնահարման համար, Եվրահանձնաժողովի նախագահ Ժոզե Մանուել Բարոզուն աջակցություն հայտնեց Ալիևին: Հոկտեմբերին բռնատեր ղեկավարը վերընտրվեց նախագահ արդեն երրորդ անգամ, իսկ Կենտրոնական ընտրական հանձնաժողովը հրաժարվեց գրանցել ընդդիմադիր թեկնածու Ռուստամ Իբրահիմբեկովի թեկնածությունը»,-նշում է Կոմիտեն: «Արգելելով ֆոտոլրագրող Մեհման Հուսեյնովին մեկնել երկրից, ինչը թույլ չտվեց նրան միջազգային մրցանակ ստանալ Նորվեգիայում, Ադրբեջանի ԱԳՆ-ն կազմեց օտարերկրացի քաղաքացիների ցուցակ, որտեղ նաև 67 լրագրող կա ու ԶԼՄ-ների ներկայացուցիչ, որոնց արգելվում է մուտքը երկիր»,- ասվում է զեկույցում: 2013 թվականի օգոստոսի 2-ին Ադրբեջանի ԱԳ նախարարությունը հրապարակեց Արցախ այցելած 335 անձանց հայտնի «սև ցուցակը»: Ավելի ուշ Բաքվում կարծիքներ հնչեցին, որ ՎՈւԱՄ անդամ երկրները՝ Վրաստանը, Ուկրաինան, Ադրբեջանն ու Մոլդովան, պետք է «այդ երկրների «սև ցուցակների» փոխադարձ ուժի մասին համաձայնություն կնքեն, կամ էլ պայմանագիր ընդհանուր «սև ցուցակ» ստեղծելու մասին: Առաջարկվեց նաև նմանատիպ համաձայնագիր կնքել նաև Թուրքիայի հետ: Նշենք, որ իրենց անուններն այդ ցուցակում գտած անձանցից ոչ մեկը ափսոսանք չէր հայտնել Ղարաբաղ այցելելու համար: Հակառակը՝ միայն մեկ անգամ Արցախ այցելողները որոշեցին կրկնել այցը: Մարդիկ, որոնք չէին գտել իրենց անունները «սև ցուցակում», թեև եղել էին Ղարաբաղում, կոչ արեցին ադրբեջանական ԱԳՆ-ին շտկել սխալն ու անպայման իրենց «անցանկալի անձ» հայտարարել: Ցուցակում հայտնվել էին նաև մարդիկ, որոնք երբեք չէին եղել Արցախում, բայց այս պարագայում որոշեցին անպայման այցելել: Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով |