ԵԱՀԿ ղեկավարը Սարգսյան-Ալիև նոր հանդիպման ու առավել ինտենսիվ բանակցությունների կոչ է անում 3 հունիսի 2014 - 13:56 AMT PanARMENIAN.Net - ԵԱՀԿ գործող նախագահ և Շվեյցարիայի արտաքին գործերի նախագահ Դիդիե Բուրկհալթերը ավարտել է այցն Ադրբեջան և մեկնել է Վրաստան: Բաքվում Բուրկհալթերը հունիսի 2-ին հանդիպել է Ադրբեջանի նախագահ Իլհամ Ալիևի հետ, նրանք հանդես են եկել համատեղ հայտարարությամբ: Մասնավորապես, Բուրկհալթերը նշել է, որ «մի քանի ամսում հնարավոր չէ ամեն ինչ փոխել, լուծել բոլոր խնդիրները, այդ թվում նաև Լեռնային Ղարաբաղի խնդիրը, որի շուրջ մենք բազում քննարկումներ ենք ունեցել և էլի կունենանք: Այդ հակամարտության կարգավորումը ժամանակ է պահանջում»: «Ես նաև այստեղ եմ, լսելու ու հասկանալու տարբեր տեսակետներ և, հնարավոր է, գտնելու բանակցային գործընթացում առաջընթացի հասնելու ուղիներ: Իմ մոտեցումը, որպես ԵԱՀԿ գործող նախագահի, շատ պարզ է: Մենք վստահ ենք, որ պետք է քայլ առ քայլ առաջ շարժվենք դեպի խաղաղություն: Իսկ դա նշանակում է, որ մենք քարոզում ենք երկու հիմնական հարց: Առաջինը՝ մենք հանդես ենք գալիս առավել ինտենսիվ բանակցությունների օգտին, երկխոսությունն արդեն կայացել է: Սակայն անհրաժեշտ է Հայաստանի ու Ադրբեջանի նախագահների նոր հանդիպում անցկացնել: Առաջարկվել է հանդիպումն անցկացնել Փարիզում, մենք նույնպես հավանություն ենք տվել այդ գաղափարին: Մենք կողմ ենք, որ այդ հանդիպումը առաջիկայում կայանա: Այդ հանդիպումը պետք է բանակցությունների նոր փուլի մեկնարկը հանդիսանա: Մյուս կողմից, դա կարող է հիմք ծառայել ստրուկտուրացված բանակցությունների համար, որոնք կարող են հիմք ծառայել խաղաղ համաձայնության համար: Իսկ այդ բանակցային գործընթացը պետք է ընթանա Մադրիդյան սկզբունքների հիման վրա»,-հայտարարել է Բուրկհալթերը: Ըստ նրա, երկրորդ կարևոր հարցը, որ առաջ է քաշում Շվեյցարիան, հրադադարի ռեժիմի պահպանման խստացումն է: «Առաջին հերթին դա միջադեպերի հետաքննության մեխանիզմն է, որը նախկինում կողմերը համաձայնեցրել են, բայց չեն իրականացրել: Թույլ տվեք հայտնել, որ Շվեյցարիան պատրաստ է որպես ԵԱՀԿ գործող նախագահ ու որպես երկիր նախագահության ժամկետից հետո, սատարել բանակցային գործընթացին, կազմակերպելով հանդիպումներ, առաջարկելով սեփական փորձը, մոբիլիզացնելով ֆինանսական ու քաղաքական օգնությունը խաղաղ համաձայնագիրը կյանքի կոչելու համար: Մենք նաև պատրաստ ենք անել ամեն հնարավորը, ինչ պահանջվում է կողմերին հանուն խաղաղության միջավայրը բարելավելու համար»,-հայտարարել է Դիդիե Բուրկհալթերը, հայտնում է «Թրենդ» գործակալությունը: Ադրբեջանի Միլի մեջլիսի նախագահ Օքտայ Ասադովի հետ հանդիպմանը ԵԱՀԿ գործող նախագահը, խոսելով ղարաբաղյան կարգավորման մասին, ասել է, որ շատ կարևոր է լսել կողմերի կարծիքները և իրազեկված լինել: Բուրկհալթերն ասել է, որ առաջիկա երկու օրում կայցելի Վրաստան ու Հայաստան, և հույս է հայտնել, որ այդ այցերը կնպաստեն բանակցային գործընթացի խթանմանը: Ավելի ուշ ԵԱՀԿ Մինսկի խմբի ամերիկացի համանախագահ Ջեյմս Ուորլիքը Twitter-ի իր էջում գրել է. «Մենք ողջունում ենք ԵԱՀԿ գործող նախագահ Բուրկհալթերի Լեռնային Ղարաբաղի վերաբերյալ ստրուկտուրացված բանակցությունների կոչը»: Թբիլիսիից ԵԱՀԿ գործող նախագահը կժամանի Երևան, որտեղ կհանդիպի Հայաստանի պաշտոնյաների հետ: Հղումներ թեմայով. Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |