 Համաշխարհային ճգնաժամի պայմաններում ԵՏՄ-ն ավելի պաշտպանված կլինի, խոստանում է Հայաստանում ՌԴ դեսպանը 17 հոկտեմբերի 2014 - 13:56 AMT PanARMENIAN.Net - Եվրասիական տնտեսական միությունը համաշխարհային ճգնաժամի պայմաններում ավելի մրցունակ ու պաշտպանված կլինի համաշխարհային շուկայում, ասվում է ՀՀ-ում Ռուսաստանի դեսպան Իվան Վոլինկինի ուղերձում Երևանում կայացած քննարկման մասնակիցներին: Քննարկման թեման էր «Հայաստանի տնտեսական հեռանկարները ԵՏՄ կազմում», կազմակերպիչն էր Ռուսաստանի հայերի միությունը: «Ըստ էության, ստեղծվում է միասնական տնտեսական մարմին, որը շարունակական տնտեսական ճգնաժամի պայմաններում ավելի մրցունակ ու պաշտպանված կլինի համաշխարհային շուկայում, թույլ կտա նրա մասնակիցներին զգալի տնտեսական օգուտ քաղել»,-ասել է դեսպանը, հայտնում է ՌԻԱ Նովոստի գործակալությունը: Վոլինկինը նշել է, որ ԵՏՄ-ն առաջին հերթին ինտեգրում է տնտեսության ոլորտում, որով իրական պայմաններ են ստեղծվում չորս տնտեսական ազատությունների` ապրանքների, ծառայությունների, կապիտալի ու աշխատուժի տեղաշարժի համար: «Հայաստանի անդամակցումն ԵՏՄ-ին իրապես նշանակալի իրադարձություն է ոչ միայն Հայաստանի, այլ նաև Ռուսաստանի, Ղազախստանի ու Բելառուսի ինտեգրացիոն տնտեսական միավորման համար»,-ասել է նա: Հոկտեմբերի 10-ին Մինսկում ընթացող Բարձրագույն տնտեսական խորհրդի նիստում ստորագրվեց Եվրասիական տնտեսական միության մասին պայմանագրին Հայաստանի միանալու մասին պայմանագիրը: ԵՏՄ մասին պայմանագիրը ստորագրվեց 2014-ին մայիսի 29-ին Աստանայում, դառնալով ՄՄ զարգացման նոր փուլը: Այն ժամանակ ԵՏՄ-ին պետք է միանար Հայաստանը, որը 2013-ի սեպտեմբերին հրաժարվեց ԵՄ հետ ասոցացումից հօգուտ ՄՄ հետ հարաբերությունների ամրապնդման: Սակայն ՀՀ հետ պայմանագրի կնքումը խափանվեց ՀՀ և ԼՂՀ սահմանին մաքսային հսկողության հարցի վերաբերյալ Ղազախստանի դիրքորոշման պատճառով: ԵՏՄ-ն ենթադրում է միասնական մաքսային քաղաքականություն, կապիտալների, ապրանքների, ծառայությունների և աշխատուժի ազատ տեղաշարժ:Պայմանագիրն ուժի մեջ է մտնում 2015-ի հունվարի 1-ին:   Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
