ԵՏՄ-ում կգործեն դեղորայքի շուկայի կանոնակարգման միասնական սկզբունքներ30 դեկտեմբերի 2014 - 13:25 AMT PanARMENIAN.Net - 2015-ի հունվարի 1-ին ուժի մեջ կմտնի Եվրասիական տնտեսական միության մասին պայմանագիրը, որն այլ հարցերի թվում կանոնակարգում է նաև դեղամիջոցների ու բուժապրանքների շրջանառությունն անդամ պետությունների շուկայում: 2014-ի ավարտին ԵՏՄ անդամ պետությունները համաձայնագիր ստորագրեցին դեղորայքի ու բուժապրանքների շրջանառության միասնական սկզբունքների ու կանոնների վերաբերյալ: Արվել է հերթական քայլը ՌԴ, Բելառուսի, Ղազախստանի տարածքում ազգային խոչընդոտների վերացման ուղղությամբ: Այդ նորմերը կտարածվեն նաև Հայաստանի ու Ղրղզստանի վրա: Ըստ փաստաթղթի, ընդհանուր շուկան կսկսի գործել մեկ տարի անց, իսկ մինչ այդ հարկ կլինի ընդունել իրավանորմատիվային ակտերի մի ամբողջ փաթեթ, գրում է «Իզվեստիան»: Մշակված համաձայնագիրը սահմանում է դեղամիջոցների գրանցման ու շրջանառության միասնական կարգը: Համաձայնագրի հիման վրա հաստատվեց նորմատիվ ակտերի մշակման միջոցառումների ծրագիրը, որով նախատեսվում էր 25 փաստաթուղթ կազմել: Դրանց թվում են դեղամիջոցների գրանցման կարգը, պատշած դեղագործական հսկողությունը, պատշաճ կլինիկական պրակտիկան, լաբորատոր փորձարկումները, պահանջները դեղորայքի մակնշման վերաբերյալ և այլն: Բոլոր այդ փաստաթղթերը պատրաստ են այս կամ այն չափով, սակայն կողմերի պատասխանատու ներկայացուցիչները կշարունակեն աշխատել այդ փաստաթղթերի վրա նաև 2015-ին: Պատրաստ լինելուն պես փաստաթղթերի նախագծերը զետեղվում են ԵՏՀ կայքում հրապարակային քննարկման համար: Սակայն 2016-ին կհամապատասխանեցվեն դեղորայքի շրջանառության ոչ բոլոր ոլորտները՝ ազգային նորմերը դեռ կպահպանվեն դեղամիջոցների մանրածախ առևտրում, գնագոյացման ու գովազդի ոլորտներում, նշում է պարբերականը: 2014-ի մայիսի 29-ին Աստանայում անցած Եվրասիական բարձրագույն տնտեսական խորհրդի հաջորդ նիստում Ռուսաստանի, Ղազախստանի ու Բելառուսի նախագահները ստորագրեցին ԵՏՄ ձևավորման մասին համաձայնագիրը: Այն կգործի 2015-ի հունվարի 1-ից: Հայաստանը ԵՏՄ-ին անդամակցելու համաձայնագիրը կնքեց հոկտեմբերի 10-ին: ՀՀ Ազգային ժողովը դեկտեմբերի 4-ի նիստում վավերացրել է Հայաստանի՝ Եվրասիական տնտեսական միությանը միանալու մասին պայմանագիրը: Կողմ է քվեարկել 103 պատգամավոր, դեմ՝ 7, ևս 1-ը ձեռնպահ է մնացել: Խորհրդարանական խմբակցություններից դեմ էր միայն «Ժառանգությունը»: Հղումներ թեմայով. Եվրասիական տնտեսական միությանը Հայաստանի անդամակցման գործընթացը Հոկտեմբերի 10-ին Մինսկում ընթացող Բարձրագույն տնտեսական խորհրդի նիստում ստորագրվել է Եվրասիական տնտեսական միության մասին պայմանագրին Հայաստանի միանալու մասին պայմանագիրը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |