ԵԱՀԿ ՄԽ. Հակամարտության գոտում դեպքերն ապացուցում են՝ համապարփակ բանակցություններ են պետք 7 փետրվարի 2015 - 12:04 AMT PanARMENIAN.Net - Փետրվարի 5-ին Մյունխենում ՀՀ ԱԳ նախարար Էդվարդ Նալբանդյանի հետ հանդիպման արդյունքում ԵԱՀԿ ՄԽ համանախագահները հայտարարություն են տարածել: Հանդիպմանը մասնակցել են համանախագահներ Իգոր Պոպովը (Ռուսաստան), Ջեյմս Ուորլիքը (ԱՄՆ), Պիեր Անդրիեն (Ֆրանսիա) և ԵԱՀԿ գործող նախագահի անձնական ներկայացուցիչ Անջեյ Կասպրշիկը: Հայտարարությունում միջնորդներն «անհանգստություն են հայտնել շփման գծում և հայ-ադրբեջանական սահմանին, այդ թվում՝ բնակելի թաղամասերում, հրադադարի խախտման դեպքերի աճի վերաբերյալ»: Նրանք նաև ՀՀ ԱԳ նախարարի հետ քննարկել են դրանց նվազեցման ուղիները, տեղեկացնում են ԵԱՀԿ գրասենյակի մամուլի ծառայությունից: Հայտարարությունում, մասնավորապես, նշվում է, որ կողմերին անհրաժեշտ է քայլեր ձեռնարկել 2014-ի նոյեմբերի 12-ին խոցված ուղղաթիռի դեպի կրկնությունից խուսափելու համար: Դիվանագետների համոզմամբ, կողմերի միջև լարվածությունն ու բռնությունն ընդգծում են հիմնախնդրին երկարատև լուծում համար համապարփակ բանակցություններ սկսելու անհրաժեշտությունը: «Մենք նախարարին կոչ ենք արել առավել ճկունություն ցուցաբերել, որ կարողանան նման բանակցություններ սկսվել»: Նրանք նաև կարևորել են ավելի վաղ նախագահների մակարդակով ձեռք բերված պայմանավորվածությունը, ըստ որի պետք է անհետ կորածների մասին տեղեկություններով փոխանակվել: «ԿԽՄԿ հովանու ներքո տեղեկությունների փոխանակումը կարող է կողմերի միջև վստահության կառուցման պատճառ դառնալ և նպաստել հաշտեցման գործընթացին: Բացի այդ, մենք կոչ ենք արել առաջին իսկ հնարավորության դեպքում վերսկսել նախագահների միջև երկխոսությունը»,- նշել են դիվանագետները: Ընթացիկ ամսվա վերջում համանախագահները կայցելեն տարածաշրջան: 2015-ի սկզբից ինչպես շփման գծում, այնպես էլ ՀՀ հետ սահմանին կտրուկ ավելացել է հակառակորդի դիվերսիոն ներթափանցման փորձերի թիվը:Այսպես, փետրվարի լույս 6-ի գիշերը հակառակորդը պարբերաբար կրակոցներ է արձակել Տավուշի մարզի ուղղությամբ: Հայկական կողմից պատասխան կրակոցներ են եղել: Ադրբեջանի գնդակոծության հետևանքով մահացել է Ներքին Կարմիրաղբյուրի բնակիչ Վանիկ Ղուկասյանը: Մինչև այդ՝ փետրվարի 4-ին, ՊՆ մամուլի խոսնակը հայտնել էր, որ հակառակորդը սադրանք է պատրաստում` կրակելով սեփական գյուղերի վրա: Ըստ նրա, Տավուշի Բաղանիս և Շավարշավան բնակավայրերի դիմաց տեղակայված ադրբեջանական դիրքերից ադրբեջանական Փարախլի բնակավայրի ուղղությամբ ինտենսիվ կրակում են, հիմնականում լուսածրային փամփուշտներով: Նույն օրն ադրբեջանցի դիպուկահարի կրակոցից վիրավորվել էր Տավուշի մարզի սահմանամերձ Մովսես գյուղի բնակիչ Լևոն Հովակիմի Անդրեասյանը: Էդվարդ Նալբանդյանը միջնորդների ուշադրությունը հրավիրել է ՀՀ հետ սահմանին և Արցախի հետ շփման գծում հրադադարի ռեժիմի խախտումների և դիվերսիոն հարձակումների բազմապատկման վրա՝ շեշտելով, որ վերջին շաբաթների ընթացքում ադրբեջանական զինուժը հրադադարը խախտել է ավելի քան 3000 անգամ, ինչը հանգեցրել է մարդկային, ներառյալ` քաղաքացիական անձանց զոհերի։ Էդվարդ Նալբանդյանը վերահաստատել է, որ Հայաստանը շարունակելու է եռանախագահ երկրների հետ ջանքեր գործադրել՝ ղարաբաղյան հիմնախնդիրը բացառապես խաղաղ կարգավորելու համար։ Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |