ԱՀՀ. ԱՄՆ պետք է առնվազն $ 40 մլն օգնություն հատկացնի ՀՀ-ին և առնվազն $5 մլն՝ Ղարաբաղին27 մարտի 2015 - 12:18 AMT PanARMENIAN.Net - Ամերիկայի Հայկական համագումարի (ԱՀՀ) գործադիր տնօրեն Բրայան Արդունին ելույթ է ունեցել ԱՄՆ Ներկայացուցիչների պալատի հատկացումների կոմիտեի անդամների առջև՝ առանձնացնելով ԱՄՆ հայ համայնքի 9 առաջնայնությունները 2016-ի ֆինանսական տարվա համար: Համագումարը Կոնգրեսին է ներկայացնում իր տեսակետն ամենամյա հատկացումների վերաբերյալ: Լսումների ժամանակ Բրայան Արդունին նշեց. «Համագումարը կոչ է անում ենթակոմիտեին 40 մլն դոլար հատկացնել Հայաստանին: Հետևողական և հուսալի աջակցությունը թույլ է տալիս չեզոքացնել Թուրքիայի և Ադրբեջանի կողմից Հայաստանի շրջափակման ազդեցությունը: Չնայած շրջափակմանը՝ Հայաստանը լուրջ քայլեր է ձեռնարկում, հաճախ շատ ծանր պայմաններում, և ըստ Wall Street-ի և Heritage հիմնադրամի Տնտեսական ազատության վարկանիշի Հայաստանը 52-րդն է 178 երկրների թվում»: Ավելի վաղ, ԱՄՆ նախագահը Կոնգրեսին էր ներկայացրել 2016 ֆինանսական տարվա բյուջեի վերաբերյալ իր նկատառումները, որոնց համաձայն, օգնությունը Հայաստանին կազմում է ընդամենը 22,36 մլն դոլար, ինչը 2,34 մլն դոլարով պակաս է նախորդ տարվա պահանջներից, և որը պահպանում է ռազմական օգնության բալանսը Հայաստանի և Ադրբեջանի միջև: Համագումարի զեկույցում նշված են 2016-ի 9 առաջնային ու հստայկ քաղաքական նպատակները: Մասնավորապես, ֆինանսական աջակցությունը Հայաստանին պետք է կազմի առնվազն 40 մլն դոլար, և առնվազն 5 մլն դոլար Ղարաբաղի համար, ինչպես նաև օգնություն պետք է հատկացվի Մերձավոր Արևելքում վտանգված քրիստոնյա փոքրամասնություններին: Առաջնայնությունների թվում նշված են Ազատության աջակցության 907 բանաձևի հաստատումը, ղարաբաղյան հակամարտության խաղաղ կարգավորումը, ԱՄՆ կողմից Հայաստանին տրամադրվող ռազմական օժանդակությունը, աջակցությունը հայաբնակ Ջավախքին, տարածաշրջանի էներգետիկ անվտանգությունը և ԱՄՆ դիրքորոշման հաստատումը Հայոց ցեղասպանության հարցում: Նիստի ժամանակ Արդունին կոչ է արել Կոնգրեսի անդամներին այցելել Հայաստան: «Հայոց ցեղասպանության 100-րդ տարելիցի շեմին կոչ եմ անում Կոնգրեսի անդամներին այցելել Հայաստան և անձամբ ծանոթանալ իրողություններին և այն ազդեցությանը, որ թողնում է Թուրքիայի ու Ադրբեջանի շրջափակումը»,-հայտարարել է Արդունին, հայտնում է Armenia Today-ը: Ավելի վաղ Ամերիկայի Հայ դատի հանձնախումբը հայտարարեց, որ ԱՄՆ վարչակազմը մտադիր է կրճատել Հայաստանին տրվող ֆինանսական աջակցությունը: Ըստ Ամերիկայի Հայ դատի հանձնախմբի (ANCA), խոսքը, մասնավորապես, տնտեսական աջակցության մասին է, մինչդեռ 2 երկրին տրամադրվող ռազմական օգնության չափը կհավասարեցվի: Օբաման առաջարկել է 2016-ի համար $18.360.000 հատկացնել Հայաստանի տնտեսության աջակցության հիմնադրամին: Եվ եթե Կոնգրեսն այս առաջարկը հավանության արժանացնի, ապա դա կլինի ՀՀ անկախության տարիներից ի վեր նվազագույն տնտեսական օգնությունը: Աղբյուրը մանրամասնում է, որ Օբամայի առաջարկած գումարի չափը $2 մլն-ով պակաս է նախորդ անգամ հատկացված գումարից: ANCA-ի գործադիր տնօրեն Արամ Համբարյանը քննադատել է Նահանգների նախագահի վարչակազմի այս քայլը, բայց միևնույն ժամանակ ողջունել է, որ Հայաստանին ու Ադրբեջանին տրամադրվող ռազմական օգնության չափը հավասար է: Ինչ վերաբերում է Լեռնային Ղարաբաղին, ապա ամերիկյան կողմը որևէ ֆինանսական օգնություն չի նախատեսել: Աղբյուրը հավելում է, որ եկող ամիսներին ANCA-ն կձեռնարկի մի շարք քայլեր, որպեսզի մեծացնի Հայաստանին տրամադրվող օգնության չափն ու զրոյի հասցնի Ադրբեջանին ռազմական ծախսերի համար տրամադրվող ֆինանսական օգնությունը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |