ՀԱԿ-ը ստորագրահավաք է սկսել ԱԺ-ում էլէներգիայի թանկացման հարցով ժամանակավոր հանձնաժողով ստեղծելու համար15 մայիսի 2015 - 18:28 AMT PanARMENIAN.Net - Հայ ազգային կոնգրեսը քայլեր կձեռնարկի էլեկտրաէներգիայի սակագնի հնարավոր բարձրացումը կանխելու, դրա հանդեպ անհանդուրժողականության մթնոլորտ ստեղծելու ուղղությամբ, այսօր՝ մայիսի 15-ին հայտարարել է ընդդիմադիր քաղաքական ուժի խորհրդարանական խմբակցության ղեկավար Լևոն Զուրաբյանը: «Մենք երեկ խմբակցության նիստում որոշում ենք ընդունել և այսօր ձևաթուղթ ենք վերցրել: Երկուշաբթի օրը մինչև ժամը 12-ը մենք պետք է հավաքենք 44 ստորագրություն, փորձենք արտահերթ քննարկում անել Ազգային ժողովում, ձեզ արդեն հայտնի ընթացակարգով դնել Հայաստանի Հանրապետությունում էլեկտրաէներգիայի համակարգում ստեղծված իրավիճակը ուսումնասիրող ԱԺ ժամանակավոր հանձնաժողով», - ասել է Զուրաբյանը, գրում է «Ազատություն» ռադիոկայանը: ՀԷՑ-ը մայիսի 8-ին Հանրային ծառայությունները կարգավորող հանձնաժողով ներկայացրած հայտով առաջարկում է էլեկտրաէներգիայի սակագինը բնակչության համար բարձրացնել 17 դրամով: Արդյունքում` ցերեկային սակագինը բնակչության համար առաջարկվում է ներկայիս 41.85 դրամ/կՎտ ժ-ից դարձնել 58.93 դրամ/կՎտ ժ, գիշերայինը` 31.85 դրամ/կՎտ ժ-ից` 48.93 դրամ/կՎտ ժ: Նա հավելել է, որ արդեն դիմել է խորհրդարանի 4 խմբակցությունների ղեկավարներին և հույս հայտնել, որ անհրաժեշտ 44 ստորագրությունները կհավաքվեն, քանի որ խնդիրը հույժ կարևոր է: ՀԱԿ-ը չի բացառում նաև պայքարի այլ տարբերակները, այդ թվում՝ բողոքի ակցիաների անցկացումը: Պետությունը, Զուրաբյանի խոսքով, հերթական անգամ որոշել է ոչ թե բացահայտել չարաշահումների պատճառները, այլ «թալանը թողնել անփոփոխ և ստիպել հանրությանը վճարել այդ չարաշահումների դիմաց»․ - «Զուտ միայն 15 դրամով ՀԷՑ¬-ի համար էներգիան թանկացնելու արդյունքում մեկ տարվա ընթացքում կկարողանան 250 միլիոն դոլարը՝ ապօրինի կուտակված պարտքը փակել: Այս հաշվարկները ապացուցում են մի բան՝ թանկացումը արվում է միայն մեկ նպատակով՝ փակել ՀԷՑ-ում հանցավոր ճանապարհով կուտակված 205 միլիոն դոլարի պարտքը»: Ընդդիմադիր գործիչը գտնում է, որ եթե հանրությունն անտարբեր չմնա և մի քանի հազար մարդ փողոց դուրս գա, իշխանությունը կխուսափի թանկացումից: Նա հիշեցրեց, որ մեծ պարտքեր կուտակած ՀԷՑ-ը անցյալ տարի 3-3.5 միլիոն դոլար է ծախսել բարեգործական նպատակներով: «Սա կփորձենք: Չստացվի՝ ուրիշ քայլեր կփորձենք: Կարևորը այն է, որ գնալով այդ դիմադրության մթնոլորտը մենք կարողանանք Հայաստանում ստեղծել», - նշեց Լևոն Զուրաբյանը: ՀԾԿՀ նախագահ Ռոբերտ Նազարյանը մայիսի 14-ին հայտարարել է, որ ՀԷՑ-ի՝ մայիսի 8-ին Հանրային ծառայությունները կարգավորող հանձնաժողով ներկայացրած հայտը, որով առաջարկում էէլեկտրաէներգիայի սակագինը բնակչության համար բարձրացնել 17 դրամով, բավարար հիմք չէ նման որոշման ընդունման համար: «Այսօրվա հայտն ինձ համար որևէ հիմք չի կարող հանդիսանալ: Ասում են, որ ավելի քան հիմնավորված է, բայց` ո՞ւմ համար, համենայն դեպս` ոչ մեր կառույցի»,- ասել է նա՝ հավելելով, որ իրենց կառույցը ստեղծվել է, որպեսզի կարողանա այդ խնդիրներին մասնագիտական գնահատական տալ: «Համբերեք, դուք այդ պատասխանը կստանաք»,- հոդորել է Ռոբերտ Նազարյանը և հայտնել, որ ՀԷՑ-ի հայտը դեռ վարույթ չեն ընդունել, հետ են ուղարկել, քանի որ փաթեթում բազմաթիվ սխալներ ու թերություններ կային: Օրինակ՝ ռուսական ընկերությունը հիմնավորումները ռուսերենով է ներկայացրել։ Եվ մինչ սակագինը որոշող մարմինը սպասում է սխալները շտկած հայտին, ԱԺ պատգամավորները պնդում են, որ դատախազությունը պետք է ստուգումներ սկսի ՀԷՑ-ում։ Միևնույն ժամանակ ՀՀ էներգետիկայի և բնական պաշարների նախարար Երվանդ Զախարյանը մայիսի 13-ին հայտարարել է, թե սակագնի վերանայման համար ներկայացված առաջարկները հիմնավոր են. «Հայաստանի էլեկտրական ցանցերը» 37,6 մլրդ դրամի վնաս է կրել՝ ՀԱԷԿ-ի չնախատեսված վերանորոգման, սակավաջուր տարի լինելու և ռեժիմների խախտման պատճառով, որոնց համար ընկերությունը պատասխանատու չէ: Ստեղծված իրավիճակը թելադրում է էլեկտրաէներգիայի սակագնի վերանայում: Նա նշել է, որ սակագների փոփոխության ուղղությամբ աշխատանքները տարվում են ՀԷՑ-ի ներկայացված հայտի հիման վրա և բացի կորուստներից, վերջին մեկ-երկու տարում առկա է նաև ռուբլի-դոլար հարաբերակցության ազդեցությունը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը |