Կոնգրեսական. ՀՀ-ն կարող է կարևոր դեր խաղալ ԱՄՆ-ՌԴ և ԱՄՆ-Թուրքիա հարաբերություններում17 հուլիսի 2015 - 12:19 AMT PanARMENIAN.Net - Հայաստանը կարող է կարևոր դեր խաղալ թե՛ ԱՄՆ-Ռուսաստան, թե՛ ԱՄՆ-Թուրքիա հարաբերություններում։ Այս մասին հայտարարել է ԱՄՆ կոնգրեսական Ջեքի Կանչելյան-Սպիրը: «Միացյալ Նահանգները ռազմակայան ունի Թուրքիայում և անշուշտ չի ցանկանում որևէ կերպ վատացնել հարաբերություններն այդ երկրի հետ, սակայն կարծում եմ, որ Ցեղասպանության ճանաչման միջոցով ԱՄՆ-ն պետք է առաջին հերթին պաշտպանի իր մարդասիրական սկզբունքները։ Միայն այդպես հնարավոր կլինի նպաստել նաև հայ թուրքական հարաբերությունների զարգացմանը», - ասել է Կանչելյան-Սպիրը՝ խոսելով հայ-ամերիկյան հարաբերությունների ապագայի և դրա խորացման նոր հնարավորությունների մասին: Նա հավելել է, որ ամերիկահայ համայնքը կարևոր դեր ունի հայ-ամերիկյան հարաբերությունների ամրացման մեջ և Հայաստանից դուրս բնակվող հսկայական հայ համայնքը պատրաստ է օգնել Հայաստանին, գրում է «Ամերիկայի ձայնի» հայկական ծառայությունը: Խոսելով Հայոց ցեղասպանության մասին՝ Կանչելյան-Սպիրը նաև ասել է, որ իրեն խորապես վիրավորված է զգում, որ իր երկիրը դեռ չի ճանաչել Ցեղասպանությունը։ Նրա խոսքով՝ ԱՄՆ-ն պարտավոր է ճանաչել Հայոց ցեղասպանությունը, թե՛ ամերիկահայ համայնքի և թե՛ իր իսկ արժեքներին չդավաճանելու համար։ «Մայրս ազգությամբ հայ էր, նա դեռ վաղ տարիներից ինձ պատմում էր Հայոց ցեղասպանության մասին և ամբողջ կյանքիս ընթացքում իմ նախնիներից փոխանցված այս հիշողությունը հետևել է ինձ։ Ցավով եմ նշում՝ մեր երկիրը դեռ չի ճանաչել 20-րդ դարի այս առաջին Ցեղասպանությունը։ Այսպիսով, Ցեղասպանության ճանաչման հարցը կարևորագույն մի խնդիր է, որին հետամուտ լինելը իմ պարտքն է մորս առջև», - ասել է Կանչելյան-Սպիրը՝ հավելելով, որ Հայոց ցեղասպանության խնդրին կոնգրեսականները մեծ պատասխանատվությամբ են մոտենում: Անդրադառնալով Հայաստանին տրամադրվող ամերիկյան մարդասիրական օգնության հարցին՝ նա նկատել է, որ Հայաստանին հատկացվող օգնությունը վերջին 5 տարիների ընթացքում կիսով չափ կրճատվել է, 44 միլիոն դոլարից հասնելով 20 միլիոնի։ Մինչդեռ այլ երկրներին հատկացվող օգնությունը մեծապես աճել է: «Կարծում եմ՝ Հայաստանին հատկացվող օգնությունը կարևոր է. ՀՀ-ն շրջափակման մեջ է, մենք հասկանում ենք, որ երկիրն ամուր հարաբերություններ է պահպանում Ռուսաստանի հետ, սակայն Միացյալ Նահանգները ևս պետք է սերտ հարաբերություններ պահպանի Հայաստանի հետ»,- ասել է Կանչելյան-Սպիրը: Որպես սենատոր և նախագահի թեկնածու` Բարաք Օբաման Ցեղասպանության ճանաչման ջատագովն էր, խոստացել էր, որ նախագահ ընտրվելու դեպքում կճանաչի ցեղասպանությունը և նույնիսկ ասել էր, որ ԱՄՆ-ն «արժանի է այնպիսի առաջնորդի, ով ճշմարտությունը կասի Հայոց ցեղասպանության մասին»: Նախագահ ընտրվելուց հետո նա դրժեց իր խոստումը, որի համար քննադատության ենթարկվեց համայն հայության ու մասնավորապես ԱՄՆ հայ համայնքի կողմից: Իր նախագահության ընթացքում նա ամեն տարի ապրիլի 24-ին հանդես է գալիս ուղերձով և ամեն անգամ դիվանագիտորեն շրջանցում է ցեղասպանություն եզրույթը՝ սահմանափակվելով հայերեն Մեծ եղեռն արտահայտությամբ: Ավելին՝ 2013-ի մայիսին Օբամայի վարչակազմը դիմել էր գերագուն դատարան՝ խնդրելով չքննել 9-րդ շրջանի բողոքարկիչ դատարանի Կալիֆորնիայի օրենքում կատարված փոփոխությունները չեղյալ հայտարարելու մասին 2012-ի որոշումը, որով նախատեսվում էր երկարացնել հայցերի ներկայացման ժամկետը Ցեղասպանության տարիներին կյանքի ապահովագրության փոխհատուցումների վճարումների վերաբերյալ: ԱՄՆ 50 նահանգից 44-ն արդեն իսկ պաշտոնապես ճանաչել է Հայոց ցեղասպանությունը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |