Ստերլիգովը մի քանի օրով ԼՂՀ-ից մեկնել էր Ռուսաստան «զրպարտիչներին լռեցնելու համար»24 հուլիսի 2015 - 16:45 AMT PanARMENIAN.Net - Ռուսաստանցի միլիարդատեր Գերման Ստերլիգովը մեկնաբանել է զրպարտիչ նյութերն ադրբեջանական և մասնակիորեն նաև ռուսական ԶԼՄ-ներում` իր Լեռնային Ղարաբաղի Հանրապետություն մեկնելու հանգամանքների մասին: «Ադրբեջանական և ռուսական մամուլի մի մասը մի ամբողջ շաբաթ զրպարտիչ նյութեր էին տարածում իմ մասին` թե ես «փախել եմ Լեռնային Ղարաբաղ» թաքնվելով ՌԴ ոստիկանությունից: Նվաստանալու և ապացուցելու փոխարեն, որ դա սուտ է, ես որոշեցի բացահայտել զրպարտությունն ամենապարզ ձևով` մի քանի օրով վերադառնալով Ռուսաստան, որպեսզի բոլոր զրպարտիչներին լռեցնեմ»,-գրել է Ստերլիգով «ՎԿոնտակտե» սոցցանցի իր էջում: Նա նաև նշել է, որ 3 օրում Մոսկվայում իր անձի հանդեպ ՌԴ իրավապահ մարմինները ոչ մի հետաքրքրություն չեն ցուցաբերել: «Թեման համարում եմ փակված և վերադառնում են Լեռնային Ղարաբաղ կնոջս և երեխաներիս մոտ»,-ասել է ռուսաստանցի ձեռնարկատերը: Իր հերթին «Տրեշչև և գործընկերներ» ընկերության ղեկավար Ալեքսանդր Տրեշչևը, մեկնաբանելով Ադրբեջանում քրգործի հարուցումը Ստերլիգովի դեմ, «Կոմերսանտին» տված հարցազրույցում վստահություն է հայտնել, որ նրա դեմ հարուցված գործը ոչ մի զարգացում չի ունենա: «Դա քաղաքականացված գործ է, որը ոչ մի հեռանկար չունի: ՄԱԿ բոլոր կոնվենցիաները, եվրոպականները ասում են, որ մարդն ունի ազատ տեղաշարժվելու իրավունք: Ստերլիգովը ոչինչ չի խախտել. նա գաղտնի չի հատել սահմանը անտառներով, չի խախտել միգրացիոն օրենսդրությունները, առավել ևս, չի առաջարկել ոչ մեկի իշխանությունը տապալել, նա միայն ասել է, որ իրեն այստեղ դուր է գալիս: Նա գտնվում է մի տարածքում, որն ունի երկրին բնորոշ բոլոր հատկանիշները, ուստի ոչինչ չի լինի: Օտար երկրի ոչ մի իշխանություն չի կարող այնտեղ հատուկ գործողություն կատարել` նրան ինչ-որ կերպ իր տարածք փոխադրելու համար` քրգործը կյանքի կոչելու մղումով»,-վստահ է Տրեշչևը: «Լենտա.ռու-ին» տված հարցազրույցում Ստերլիգովն անդրադարձել է ԼՂՀ տեղափոխվելու դրդապատճառներին. «Այստեղ շատ գեղեցիկ է, ինչպես բուրումնավետ այգում, դեռ բավարար են ջրային ռեսուրսները: Բայց գլխավորը, այստեղ զարմանալի ժողովուրդ է ապրում, որը պահպանել է ավանդույթներն ու հաղթել է մեծ Ադրբեջանի հետ պատերազմում: Եվ այստեղ ընդհանրապես հանցավորություն չկա»,-ասել է նա, հայտնում է Panorama.am-ը: Ավելի վաղ հայտնի դարձավ, որ Գերման Ստերլիգովի հանդեպ զրպարտության վերաբերյալ քրեական գործ է հարուցվել: Այս մասին հայտնեց Ստերլիգովի փաստաբան Արթուր Հայրապետովը: «Մասնավոր բնույթի դիմում է ներկայացվել Ստերլիգովի և իմ դեմ: Երբ նման դիմում է ուղղվում դատարան, գործը մեխանիկորեն հարուցվում է: Մեր դեմ հարուցված գործը զրպարտության մասին է: Բացի այդ, հայտարարություն է ներկայացվել Մոսկվա քաղաքի փաստաբանների պալատ՝ ինձ փաստաբանի կարգավիճակից զրկելու պահանջով»,- ասել է Հայրապետովը: Նրա խոսքով՝ գործի հարուցումը նախաձեռնել է Իսրայելի քաղաքացի Միլանա Գորենշտեյնը, որն այժմ մշտապես ապրում է Թել Ավիվում: Ստերլիգովի դեմ քրեական գործ կարող էին հարուցել Ղարաբաղում նրա գնած ջրաղացի պատճառով, ասել էր «Նորությունների ռուսական ծառայությանը» գործարարի կինը` Ալյոնա Ստերլիգովան: «Ես չգիտեմ, ինչ գործով: Բայց ինչպես հասկացա, դա ջրաղացին է առնչվում: Գիտեմ, որ ինչ-որ հարցեր են առաջացել այդ կապակցությամբ»,-հավելել է նա: Ստերլիգովան պատմել է, որ ամուսնու հետ միասին նրանք ջրաղաց էին փնտրում տարբեր երկրներում: «Մենք շրջեցինք ամբողջ Ղարաբաղով, իսկ մինչ այդ փնտրում էինք Ռուսաստանում, Բուլղարիայում, եզակի ջրաղաց էինք փնտրում և այստեղ գտանք այն, որը հայտնի դարձավ: Այն դարձավ Ղարաբաղի կենտրոնը, ուր զբոսաշրջիկներ են այցելում»,-ասել է նա: Հուլիսի 6-ին հայտնի դարձավ, որ ռուսաստանցի գործարար, հայտնի ֆերմեր, «Ալիսա» ապրանքային բորսայի հիմնադիր Գերման Ստերլիգովն ընտնիքի հետ փակել է իր հայտնի տունը Սլոբոդայում և բնակություն հաստատել Լեռնային Ղարաբաղում: Նրա անունը կապում են ԲՈՐՆ նեոնացիստական խմբավորման գործի քննության հետ, որի անդամները սպանել են հայտնի ռուս փաստաբան Ստանիսլավ Մարկելովին և «Նոր թերթի» լրագրող Անաստասիա Բաբուրովային: Ըստ վարկածներից մեկի, խմբավորման անդամաները մարզվել են Ստերլիգովի հատկացված տարածքում: Ադրբեջանի ԱԳՆ-ն Ստերլիգովին ընդգրկել է իր «սև ցուցակում: Ադրբեջանի գլխավոր դատախազությունը գործ է հարուցել Ստերլիգովի դեմ երկու քրեական հոդվածներով: Նրան մեղադրում են պետության դեմ ուղղված բացահայտ կոչերի ու պետական սահմանն ապօրինի հատելու մեջ: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |