Թուրք վերլուծաբան. Ամեն մի օրը Հայաստանի համար հաղթանակ է, իսկ Ադրբեջանի՝ տրավմա10 օգոստոսի 2015 - 17:31 AMT PanARMENIAN.Net - Հայաստանի հետ լուրջ դիվանագիտության հատատումը կարող է ղարաբաղյան հարցի լուծման տրամաբանական տարբերակներ բերել օրակարգ, իսկ պատերազմը վերջին ելքը կլինի միայն բոլոր տարբերակները սպառելուց հետո: Այս մասին ասել է Թուրքիայում գործող «Կովկասի ռազմավարական հետազոտությունների կենտրոնի» (KAFKASSAM) նախագահ Հասան Օքթայը՝ մեկնաբանելով Ադրբեջանի պաշտպանության նախարար Զաքիր Հասանովի՝ ԼՂՀ-ն «ազատագրելու» մասին հայտարարությունը: Անդրադառնալով Հասանովի՝ Ղարաբաղը զենքով գրավելու մասին օրերս հնչեցրած հայտարարությանը, թուրք վերլուծաբանը նշել է, որ ամեն մի օրը Հայաստանի համար հաղթանակ է, իսկ Ադրբեջանի համար՝ լուրջ տրավմա, Haberx-ի վրա հղումով գրում է Ermenihaber.am-ը: «Սա հասկանում են նաև Ադրբեջանում, և տարին մի քանի անգամ մամուլում հայտարարություններ են տարածվում հիմնախնդիրը ռազմական ճանապարհով լուծելու մասին, բայց Ադրբեջանի ժողովուրդը նման հայտարություններին այլևս չի վստահում», - նկատել է Օքթայը: Ղարաբաղյան խնդրի լուծումը նա տեսնում է դիվանագիտության մեջ: «Ադրբեջանի իշխանությունները Ղարաբաղյան խնդրի լուծման ճանապարհը դիվանագիտության մեջ փնտրելու դեպքում ավելի տրամաբանական արդյունքներ կարող են օրակարգ բերել»,- ասել է նա՝ հավելով, որ պատերազմի թեման անընդհատ օրակարգում պահելը, իսկ դիվանագիտությունն արհամարհելը թերևս ոչ մի օգուտ Ադրբեջանին Ղարաբաղի հարցում տալ չի կարող: Ադրբեջանի պաշտպանության նախարար Զաքիր Հասանովն օգոստոսի 6-ին այցելել է առաջնագծում տեղակայված զորամասերից մեկը, որտեղ հայտարարել է, որ Ադրբեջանի բանակը պատրաստ է վերականգնել երկրի «տարածքային ամբողջականությունը»: Նրա խոսքով՝ հասունացել է վճռական պահը, և ժողովուրդը, ում «համբերությունը սպառվել է, պահանջում է ազատագրել ադրբեջանական տարածքները»։ Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |