Սասունում հրկիզված հայկական եկեղեցու ու գերեզմանատան հարցը բարձրացվել է Թուրքիայի խորհրդարանում25 օգոստոսի 2015 - 14:49 AMT PanARMENIAN.Net - Օգոստոսի 15-ին Թուրքիայի Բաթման նահանգի Սասունի Մեշելի գյուղի պատմական հայկական Սբ Պետրոս վանական համալիրի և հարակից գերեզմանոցի տարածքում բռնկված հրդեհի հարցը բարձրացվել է Թուրքիայի խորհրդարանում (մեջլիս): Թուրքիայի քրդամետ ընդդիմադիր «Ժողովուրդների դեմոկրատական կուսակցության» (ԺԴԿ - HDP) կողմից ընտրված պատգամավոր Ալի Աթալան գրավոր դիմել է Թուրքիայի ներքին գործերի նախարար Սելահեթթին Օզթուրքին՝ փորձելով տեղեկություն ստանալ հրդեհի պատճառների բացահայտման և հետևանքների վերացման ուղղությամբ կատարված և կատարվելիք քայլերի մասին, Թուրքիայում լույս տեսնող հայկական «Ակոս» թերթին հղումով գրում է Ermenihaber.am-ը: Սասուն գավառում գտնվող 1500-ամյա հայկական Սբ Պետրոս վանական համալիրը, որ հարակից գյուղացիների կողմից որպես ախոռ էր օգտագործվում, պետական գրանցում էր ստացել: Արևմտյան Հայաստանի մի շարք տարածաշրջաններում գտնվող եկեղեցիների, գրանցման ու վերականգնման համար պայքարող Սասունի, Բիթլիսի, Մուշի, Վանի և Ստամբուլի հայերի սոցիալական օգնության, համերաշխության մշակութային միության նախագահ Ազիզ Դաղջըն տեղեկացրել է, որ հրդեհի հետևանքով այրվել են հայ հոգևորականների ոսկորները, որոնք ավելի վաղ գերեզմանափոսերից դուրս էին թափել գանձ որոնողները: Միությունը հրդեհի առիթով Սասունի տարածքային դատախազություն հանցագործության մասին հայտարարություն է ներկայացրել: Աթալան ներքին գործերի նախարարին գրավոր հարցապնդում է ներկայացրել: «Տեղի ունեցած հարձակման հետևանքով ավերված հայկական Սբ Պետրոս վանական համալիրի և հարակից գերեզմանոցի տարածքը իր նախկին վիճակին բերելու համար որոշակի քայլեր ձեռնարկվելու՞ են, եթե այո, ապա՝ երբ են ձեռնարկվելու», - հարցրել է պարգամավորը: Նա նաև հետաքրքրվել է, թե կարողացե՞լ են պարզել հարձակումը կազմակերպողների ինքնությունը: Հանցագործների հետ կապված ինչպիսի՞ իրավական գործընթացներ են իրականացվել կամ իրականացվելու: Արդյո՞ք չեք համարում, որ Թուրքիայի հայերին պատկանող վանական համալիրների և գերեզմանատների վրա կատարվող հարձակումները ազգայնամոլական բնույթ ունեն: Հանցագործությունն իրականացնողների նկատմամբ նաև այս տեսակետից իրավական գործընթաց սկսվելու՞ է: Արդյո՞ք պատրաստվում եք իրավական գործընթաց սկսել այն անվտանգության ուժերի և ՏԻՄ մարմինների դեմ, որոնք չեն մեկնել հրդեհի վայրը: Աթալան նաև հարցրել է, թե ո՞վ է փոխատուցելու այն նյութական և բարոյական վնասը, որ հասցվել է համալիրին: Ինչպես նաև հարցրել է, թե Ինչպիսի քայլեր են ներկայումս ձեռնարկում՝ մարդկանց համար առաջնային հոգևոր նշանակություն ունեցող գերեզմանատներում նմանատիպ դեպքերը կանխարգելելու համար: 2015-ի ապրիլի տեղեկություններով, Թուրքիայի մայրաքաղաք Անկարայում հայերից մնացած հին գերեզմանատունն ավերում են գանձ որոնողները: Գերեզմանները նրանց կողմից պղծվել են: 2008-ին վանդալիզմի հերթական դեպքն է արձանագրվել Էդիրնեգաբուի հայկական գերեզմանատանը՝ անհայտ անձինք ջարդել են մի դամբանաքար և տապալել 8 գերեզմանաքար: Նույնանման դեպք Էդիրնեգաբուի գերեզմանատանը տեղի էր ունեցել 2008-ի հոկտեմբերի վերջին, երբ անհայտ անձինք ջարդել էին 12 դամբանաքար: 2012-ին հայտնի դարձավ Էրուհ շրջանում ավտոճանապարհի շինարարության ժամանակ հայկական գերեզմանատունը քանդելու և մարդկային ոսկորները հողի վրա թողնելու դեպքի մասին։ 2014-ի հուլիսին «Ակոս»-ը գրեց, որ Սիվասի (հայկական Սեբաստիա) շրջանի Զարա գավառում գտնվող հայկական գերեզմանատնից մնացել է միայն մեկ տապանաքար: Տեղեկություններ են տարածվել նաև թուրքական Թունջելի շրջանի Մազկերտ թաղամասի հայկական գերեզմանատանը փոսեր փորելու մասին: Թուրքիայի հիմնադրամների գլխավոր վարչությունը Ստամբուլի հայաշատ Շիշլի թաղամասում գտնվող հայկական գերեզմանոցի սեփականության իրավունքը 2015-ի փետրվարին վերադարձրել է Բեյօղլուի «Երեք խորան» հայկական եկեղեցու հիմնադրամին: 1914-ին Արևմտյան Հայաստանում և Օսմանյան կայսրությունում հայկական եկեղեցական հաստատությունների ընդհանուր թիվը 2549 Էր։ Ըստ ՅՈւՆԵՍԿՕ-ի 1974-ի տվյալների, 1923-ից հետո մնացած 913 կառույցից 464-ն ամբողջովին անհետացել է, 252-ն ավերակ են, 197-ն ամբողջովին նորոգման կարիք ունեն։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |