«Վիքիպեդիան» մտադիր է սեփական քարտեզագրական ծառայությունը գործարկել

PanARMENIAN.Net - «Վիքիպեդիա» ազատ հանրագիտարանը սկսել է սեփական քարտեզագրական maps.wikimedia.org. ծառայությունը: Ինչպես հայտնել է «Վիքիմեդիա.ռու» գործադիր տնօրեն Ստանիսլավ Կոզլովսկին, որը բետա-թեստավորման փուլի ավարտից հետո հասանելի կլինի «Վիքիպեդիայի» բոլոր օգտատերերի համար:

Ընկերությունում այդ ցանկությունը բացատրում են «Վիքիպեդիայի» օգտատերերի անվտանգությունը բարձրացնելու ցանկությամբ, քանի որ կողմնակի ընկերությունները կարող են օգտատերերի մասին տվյալներ հաղորդել քարտեզներ տեղադրելիս: Ազատ հանրագիտարանի ղեկավարությունը հուսով է, որ ապագայում նոր քարտեզագրական ծառայությունը կներկառուցվի «Վիքիպեդիայի» հոդվածներում:

Ծառայության հենքում JavaScript-ի Leaflet ազատ գրադարանն է, իսկ նրա սերվերային մասում օգատգործվում է մասնագետների մշակած Kartotherian հարթակը:

Ամերիկյան Google ընկերությունը մտադիր է մշակել Google Mapsи Google Earth հավելվածների մանկական լսարանի համար նախատեսված տարբերակներ: Այդ է վկայում ընկերության կայքում տեղադրված թափուր աշխատատեղի մասին հայտարարությունը: Նկարագրության մեջ ասվում է, որ ապագա աշխատակիցը պետք է աշխատի այդ պրոդուկտներն ավելի օգտակար և հետաքրքիր դարձնել երեխաների համար:

2014-ին Google-ը պատմեց իր ամենահայտնի պրոդուկտները երեխաների համար նախատեսված տարբերակով թողարկելու մտադրության մասին: Արդյունքում փետրվարին թողարկվեց YouTube Kids հավելվածը, որտեղ հավաքված են երեխաներին հետաքրքրող տեսանյութերը, ալիքներ ու փլեյլիսթեր:

Ինքը Google-ը հրաժարվել է այդ թեմայով մեկնաբանություններից, ուստի մնում է միայն գուշակել, թե ինչպիսին կլինեն այդ պրոդուկտների նոր տարբերակները: Հնարավոր է, դրանք համալրվեն անիմացիայով, հնչյուններով, նկարազարդումներով ու տարբեր տեղեկատվությամբ` Երկրի ուսումնասիրությամբ երեխաներին հետաքրքրելու համար: