  Արգենտինյան նահանգը փաստաթղթով սատարել է ապրիլի 24-ը Հանդուրժողության օր հայտարարող օրենքին 2 հոկտեմբերի 2015 - 14:05 AMT PanARMENIAN.Net - Արգենտինայի Միսիոնես նահանգի Ներկայացուցիչների պալատը բանաձև է ընդունել, որով հավանություն է տալիս ապրիլի 24-ը Հանդուրժողության և հարգանքի օր հռչակող դաշնային օրենքին: Ապրիլի 24-ը նշվելու է որպես Հայոց ցեղասպանության զոհերի հիշատակի օր: Օրենքն ընդունվել է մարտի 18-ին, ուժի մեջ է մտել սեպտեմբերի 3-ին, հայտնում է Asbarez-ը: Արգենտինան ճանաչել է Հայոց ցեղասպանության փաստը 2004-ին: Երկիրն անվանդաբար սատարում է Ցեղասպանության փաստի ճանաչման ջանքերին: Այդպես, Հայոց ցեղասպանության 96-րդ տարելիցի շեմին Արգենտինայի խորհրդարանի Վերին պալատը բանաձև ընդունեց` դատապարտելով Հայոց ցեղասպանությունը: Բանաձևն ընդունվեց սենատորներ Դանիել Ֆիլմուսի, Ռուբեն Ժուստինիանի և Սոնիա Էսկուդերոյի ներկայացմամբ: Փաստաթղթում, մասնավորապես, ասվում է. «Ապրիլի 24-ին ընդառաջ, երբ նշվում է Օսմանյան կայսրությունում 1915-1923 թթ. իրականացված մարդկության դեմ ոճրագործության 96-րդ տարելիցը, Ազգային սենատը վերահաստատում է Հայոց ցեղասպանության զոհերի հիշատակին նվիրված Հանդուրժողության և ժողովրդների միջև հարգանքի օրվա մասին որոշումը: Բանաձևում ասվում է նաև, որ Ազգային սենատը դատապարտում է ցեղասպանության բոլոր ակտերը և ցեղասպանությունների ժխտման դրսևորումները` համերաշխություն հայտնելով Արգենտինայի հայ համայնքին: Հայոց ցեղասպանության 100-րդ տարելիցին ընդառաջ, Բուենոս Այրեսի քաղաքային կառավարության 2014թ. մայիսի 6-ի որոշմամբ՝ մայրաքաղաքի Պալերմո թաղամասում անվճար տարածք հատկացվեց Հայոց ցեղասպանության թանգարանի կառուցման համար: Հունիսի 10-ին Արգենտինայում ՀՀ դեսպանության մասնակցությամբ և Հայ կենտրոնի ու Արգենտինայի Հայոց թեմի հովանու ներքո տեղի ունեցավ Հայոց ցեղասպանության թանգարանի կառուցման նպատակով Բուենոս Այրեսի քաղաքային իշխանությունների կողմից արգենտինահայ համայնքին անվճար հատկացված հողատարածքի՝ իրավական փաստաթղթերը փոխանցելու պաշտոնական արարողությունը: Իր հերթին Արգենտինայի նախագահ Քրիստինա Ֆերնանդես դը Քիրշները 2015-ի ապրիլի 14-ին հանդիպեց հայ համայնքի ներկայացուցիչների հետ և համերաշխություն հայտնեց հայ ժողովրդի հետ:    Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին:  Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Սյուժե Վերջին լուրեր Լրագրողին առերևույթ վրաերթի ենթարկելու դեպքով քրվարույթ է նախաձեռնվել  Հաղորդումը ստացվել է բժշկական կենտրոնիցԲագրատ սրբազան․ Միայն Le Monde–ին եմ տվել հարցազրույց՝ մնացած բոլորին խնդրելով, որ սպասեն Սրբազանը նաև հայտարարել է, որ հարկ եղած դեպքում կհրաժարվի Կանադայի քաղաքացիությունիցԱդրբեջանը ոչնչացրել է Արցախյան և Հայրենական պատերազմների զոհերի հիշատակի հուշարձանը Ադրբեջանը հիմնահատակ ավերել է Բերձորի Սուրբ Համբարձման եկեղեցինՄարուքյան․ Ի՞նչ է եղել, որ Փաշինյանը Պուտինին խնդրել է` ՌԴ զորքերը մնան Թուրքիայի և Իրանի սահմանին Ըստ նրա՝ երկրի ներսում ասում են՝ ԵՄ ենք գնում, մյուս կողմից Պուտինին խնդրում են, որ ռուսները մնան Թուրքիայի ու Իրանի հետ սահմանին |
