Եվրոպայի հայկական ֆեդերացիան ԵԱՀԿ-ից պահանջում է նշել, որ հրադադարը խախտողը Ադրբեջանն է 6 հոկտեմբերի 2015 - 12:16 AMT PanARMENIAN.Net - Արդարության և ժողովրդավարության Եվրոպայի հայկական ֆեդերացիան (The European Armenian Federation for Justice and Democracy, EAFJD)՝ եվրոպական ինստիտուտներում հայկական ծագմամբ եվրոպական երկրների քաղաքացիներին ներկայացնող ոչ կառավարական կազմակերպությունը, բողոքի նամակ է հղել ԵԱՀԿ-ին՝ խահանջելով, որպեսզի ԵԱՀԿ Մինսկի խմբի համանախագահներն օբյեկտիվորեն նշեն, որ Ադրբեջանը շարունակում է խախտել հրադադարի համաձայնագիրը և խոչընդոտում է խաղաղության հաստատման կառուցողական գործընթացին: «Մենք համոզված ենք, որ ՄԽ-ն, ընդհանուր հայտարարություններ անելով և Հայաստանի ու Ադրբեջանի միջև հավասարություն դնելով կողմերին հրադադարի խախտման դեպքերը դադարեցնելու կոչ հղելով, խեղաթյուրում է իրականությունը, ստեղծում է սխալ հանրային կարծիք և իրականում խրախուսում է Ալիևի ռեժիմին իր վտանգավոր խաղը շարունակել, որը նա խաղում է նաև իր սեփական քաղաքացիների կյանքերի հաշվին։ Ակնհայտ է, որ եթե նոր պատերազմ սկսվի ներկա պայմաններում՝ այդ իրավիճակի պատասխանատուն կլինեն Ադրբեջանի իշխանությունները»,- ասված է ֆեդերացիայի նամակում, Asbarez.com-ին հղումով գրում է Tert.am-ը։ Ֆեդերացիան կոչ է անում օբյեկտիվորեն նշել, որ Ադրբեջանն է շարունակում հրադադարի խախտման փորձերը, «հակառակ դեպքում՝ ԵԱՀԿ-ն նույնպես կկիսի պատասխանատվությունը, եթե նոր պատերազմ սկսվի Լեռնային Ղարաբաղում»։ ԵԱՀԿ Մինսկի խմբի համանախագահները սեպտեմբերի 25-ին հանդես էին եկել հայտարարությամբ, որում մտահգություն են հայտնել Հայաստանի և Ադրբեջանի զինված ուժերի կողմից քաղաքացիական շրջաններում ծանր զենքի կիրառման կապակցությամբ: «Մենք չգիտենք՝ ինչից է ծագել լարվածությունը, քանի որ կողմերը շարունակում են մեղադրել իրար, սակայն նրանք պետք է աշխատեն նման միջադեպերի քննության մեխանիզմի ստեղծման ուղղությամբ, ինչը քննարկվել է երկու երկրների նախագահների միջև», - ասված է հայտարարությունում: Վերջին շրջանում իրավիճակը ղարաբաղա-ադրբեջանական հակամարտ զորքերի շփման գծում լարված է: Ընդհանուր առմամբ սեպտեմբեր ամսում հակառակորդի կողմից հրադադարի պահպանման ռեժիմը խախտվել է շուրջ 4000 անգամ, որի ընթացքում հայ դիրքապահների ուղղությամբ արձակվել է ավելի քան 60.000 կրակոց, այդ թվում՝ 60 մմ ականանետից (1566 արկ), 82մմ ականանետից (733 արկ), 120մմ ականանետից (51 արկ), ՌՊԳ-7 տիպի նռնականետից (54 արկ), ՀԱՆ-17 տիպի նռնականետից (828 արկ), ՍՊԳ-9 տիպի նռնականետից (9 արկ), TR-107 հրթիռահրետանային կայանքից (168 արկ) և 122մմ Դ-30 հաուբից հրանոթից (30 արկ): Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |